Live Updates

لاہور قلندرز کی انتہائی بدترین فیلڈنگ

کراچی کنگز نے قلندرز کو جیت کیلئے 191 رنز کا ہدف دے دیا

محمد علی جمعرات 22 مئی 2025 21:34

لاہور (اُردو پوائنٹ اخبارتازہ ترین۔ 22 مئی2025ء) لاہور قلندرز کی انتہائی بدترین فیلڈنگ، کراچی کنگز نے قلندرز کو جیت کیلئے 191 رنز کا ہدف دے دیا، لاہور قلندرز کے فیلڈرز کی جانب سے بے تحاشہ کیچز چھوڑنے اور گیند بازوں کی جانب سے کئی نو بالز کروائے جانے کے باعث کراچی کنگز مقررہ 20 اوورز میں 8 وکٹوں کے نقصان پر 190 رنز بنا سکے۔

(جاری ہے)

اس سے قبل پاکستان سپرلیگ سیزن 10 کے پہلے ایلیمنٹر میچ میں کراچی کنگز نے لاہور قلندرز کیخلاف ٹاس جیت کر پہلے بیٹنگ کا فیصلہ کیا۔

لاہور کے قذافی سٹیڈیم میں ہونیوالے ایونٹ کے پہلے ایلیمنٹر میں کراچی کنگز کے کپتان ڈیوڈ وارنر نے لاہور قلندرز کیخلاف ٹاس جیت کر پہلے بیٹنگ کو ترجیح دی۔ پہلا ایلیمنٹر ہارنے والی ٹیم ٹورنامنٹ سے باہر ہوجائے گی جبکہ فاتح ٹیم دوسرے ایلیمنٹر میں اسلام آباد یونائیٹڈ سے ٹکرائے گی۔ واضح رہے کہ گزشتہ روز کھیلے گئے پہلے کوالیفائر میں کوئٹہ گلیڈی ایٹرز نے اسلام آباد یونائیٹڈ کو شکست دے کر فائنل کی ٹکٹ کنفرم کرلی ہے۔