بارہویں ڈاکٹر عیسیٰ لیب سندھ رینکنگ ٹینس چیمپئن شپ 31 مئی سے شروع ہوگی

بدھ 21 مئی 2025 18:00

اسلام آباد (اُردو پوائنٹ اخبارتازہ ترین - اے پی پی۔ 21 مئی2025ء) حیدرآباد ٹینس ایسوسی ایشن اور سندھ ٹینس ایسوسی ایشن کے زیراہتمام 12ویں ڈاکٹر عیسیٰ لیب سندھ رینکنگ ٹینس چیمپئن شپ کا انعقاد 31 مئی سے 4 جون تک حیدرآباد جمخانہ کے ہارڈ کورٹس میں ہو گا۔

(جاری ہے)

سندھ ٹینس ایسوسی ایشن کے سینئر نائب صدر محمد خالد رحمانی کے مطابق چیمپئن شپ میں مینز سنگلز، لیڈیز سنگلز، جونیئرز انڈر 17 سنگلز، بوائز/گرلز انڈر 13 سنگلز، 45 پلس ڈبلز اور وہیل چیئر ٹینس (مرد و خواتین سنگلز) کے مقابلے ہوں گے۔

ہر کھلاڑی صرف ایک ایونٹ میں شرکت کرسکے گا۔ دیگر شہروں سے آنے والے کھلاڑیوں کو دونوں جانب کا اکانومی کلاس ریلوے کرایہ دیا جائے گا۔ شرکت کے لئے ٹی پی آئی این رجسٹریشن اور سالانہ فیس حیدرآباد ٹینس ایسوسی ایشن کے سیکرٹری یا ریفری کو واٹس ایپ کے ذریعے بھیج سکتے ہیں۔