نیب لاہور کی خواتین افسران کا پنجاب سیف سٹیز اتھارٹی کا دورہ

آپریشنز کمانڈر سیف سٹی نے مختلف شعبہ جات کا دورہ کروایا اور بریفنگ دی

بدھ 21 مئی 2025 20:01

لاہور (اُردو پوائنٹ اخبارتازہ ترین - این این آئی۔ 21 مئی2025ء) قومی احتساب بیورو (نیب )لاہور کی خواتین افسران نے پنجاب سیف سٹیز اتھارٹی کا دورہ کیا ۔آپریشنز کمانڈر سیف سٹی نے مختلف شعبہ جات کا دورہ کروایا اور بریفنگ دی، نیب افسران نے آپریشنز کنٹرول روم میں کیمروں کے ذریعے شہر بھر کی سرویلنس کے عمل کا جائزہ لیا۔ وفد کو انٹیلی جنٹ ٹریفک مینجمنٹ سسٹم اورالیکٹرانک چالان کے نظام بارے بتایا گیا۔

نیب افسران نے سیف سٹی کے ورچوئل ویمن پولیس اسٹیشن، چائلڈ سیفٹی سینٹر اور بلڈ بینک کے نظام کا جائزہ لیا ۔

(جاری ہے)

وفد کو بریفنگ میں بتایا گیا کہ شہری اپنی شناخت ظاہر کیے بغیر سیف سٹی کرائم اسٹاپر سروس سے رابطہ کر سکتے ہیں، جرائم کی مثر سرویلنس اور روک تھام کے لیے جدید آرٹیفیشل انٹیلیجنس ٹیکنالوجی کا استعمال کیا جا رہا ہے، پنجاب بھر میں اسمارٹ سیف سٹی سنٹرز کے قیام سے جرائم پر قابو پانے میں خاطر خواہ کامیابی حاصل ہوئی ہے۔ وفد کے شرکاء نے کہا کہ جدید پولسنگ کے اس نظام سے پولیس کلچر میں مثبت تبدیلیاں دیکھنے کو ملیں۔ترجمان سیف سٹیز نے کہا کہ نیب افسران نے سیف سٹی کے تمام شعبہ جات میں شفافیت اور مجموعی کارکردگی کو خوش آئند قرار دیا۔