فیصل آباد، ریلوے کے کچے پھاٹک پرمسافر بردار ٹرین حادثہ کے باعث پٹری سے اترگئی

بدھ 21 مئی 2025 20:28

فیصل آباد (اُردو پوائنٹ اخبارتازہ ترین - آن لائن۔ 21 مئی2025ء)تھانہ ساہیانوالہ کے علاقہ میں ریلوے کے کچے پھاٹک پر مسافر بردار ٹرین حادثہ کے باعث پٹری سے اتر گئی،حادثہ میں ٹرین ڈرائیور اور اسکے اسسٹنٹ سمیت 20 سے زائد مسافر زخمی ہو گئے،آن لائن ذرائع کے مطابق شالیمار ٹرین گزشتہ روزفیصل آباد سے لاہور جارہی تھی کہ 142 رب چھوٹی گھڑتل کے قریب ریلوے کے کچے پھاٹک پر پھنسی اینٹوں سے لدی ٹریکٹر ٹرالی سے ٹکرا گئی، حادثہ ٹریکٹر کا تیل ختم ہونے کے باعث پیش آیا جس میں ٹرین ڈرائیور اور اسکے اسسٹنٹ سمیت 20 سے زائد مسافر زخمی جبکہ ٹرین کی 2 بوگیاں ریلوے ٹریک سے تقریباً ایک کلومیٹر نیچے اتر گئیں،واقعہ کی اطلاع ملتے ہی مقامی پولیس اور ریسکیو ٹیم موقع پر پہنچ گئی ریسکیو ٹیم نے زخمیوں کو طبی امداد کے بعد ٹی ایچ کیو ہسپتال چک جھمرہ منتقل کردیا حادثہ کے دوران ساہیانوالہ سے سالار والہ تک کا ریلوے ٹریک ٹوٹنے کے باعث فیصل آباد سے لاہور اور وزیر آباد کے لیئے تمام ریلوے ٹریفک کو مکمل طور پر بند کر دیا گیا،