نوشہرو فیروز،صوبائی وزیرداخلہ سندھ کے گھر پر حملہ و آگ لگانے کے دہشتگردی کے دو الگ مقدمات درج

جمعرات 22 مئی 2025 18:20

نوشہرو فیروز (اُردو پوائنٹ اخبارتازہ ترین - اے پی پی۔ 22 مئی2025ء) مورو میں صوبائی وزیرداخلہ سندھ ضیاء الحسن لنجار کے گھر پر حملہ و آگ لگانے کے دو الگ الگ دہشتگردی کے مقدمات میں جی ڈی اے رہنما سابق ایم این اے غلام مرتضی خان جتوئی، سابق ایم پی اے مسرور جتوئی سمیت 43 ملزمان اور 75 نامعلوم ملزمان کو نامزد کیا گیا ہے۔

(جاری ہے)

مورو میں صوبائی وزیرداخلہ سندھ ضیاء الحسن لنجار کے گھر پر حملہ و آگ لگانے کے دو الگ الگ دہشتگردی کے مقدمات داخل کئے گئے ہیں سرکاری مدعیت میں داخل ایک مقدمے میں 14 ملزمان سمیت 30 نامعلوم افراد کو نامزد کیا گیا ہے جبکہ دوسرا مقدمہ لنجار ہاوس کے مینیجر دوست سولنگی کی مدعیت میں 29 ملزمان سمیت 45 نامعلوم افراد کو۔

نامزد کیا گیا ہے۔ دہشتگردی کی دفعات کیساتھ درج دونوں مقدمات میں جی ڈی اے رہنما غلام مرتضی جتوئی, مسرور جتوئی کو بھی نامزد کیا گیا ہے۔ مقدمہ کے متن کے مطابق مرتضی جتوئی,مسرور جتوئی ،باز سیال, اعجاز لغاری, کالعدم تنظیم سربراہ کے کہنے پر لنجار ہاؤس کو جلایا وتباہ کیاگیا ،لنجار ہاؤس حملہ و جلائے جانے پرکروڑوں روپے کا نقصان پہنچا۔\378