سعودی عرب ، جعلی حج خدمات کی اشتہاری مہم چلانے والے 4 غیرملکی گرفتار

سکیورٹی فورسز نے ملزمان کے گھر سے 14 دیگر افراد کو بھی گرفتار کرلیا،عرب ٹی وی

جمعہ 23 مئی 2025 12:26

ریاض(اُردو پوائنٹ اخبارتازہ ترین - این این آئی۔ 23 مئی2025ء)سعودہ عرب کے شہر مکہ مکرمہ میں سکیورٹی فورسز نے حج خدمات کے حوالے سے جعلی اشتہاری مہم چلانے والے چار انڈونیشیوں کو حراست میں لے لیا۔

(جاری ہے)

عرب ٹی وی کے مطابق مکہ مکرمہ میں مقیم چار انڈونیشیوں کو گرفتار کیا گیا جو سوشل میڈیا پر حج خدمات فراہم کرنے کی مہم چلائے ہوئے تھے۔ملزمان کا دعوی تھا کہ وہ داخلی عازمین کو حج کرانے کی سہولت فراہم کرتے ہیں جس کے لیے مشاعر مقدسہ میں رہائش اور ٹرانسپورٹ کے علاوہ حج نسک کارڈ بھی فراہم کرتے ہیں۔سکیورٹی فورسز نے ملزمان کے گھر سے 14 دیگر افراد کو بھی گرفتار کرلیا جن کے پاس حج پرمٹ نہیں تھے وہ اس کے بغیر حج کے ارادے سے مکہ مکرمہ میں مقیم تھے۔