نیتن یاہو کا ٹرمپ سے ٹیلی فونک رابطہ، واشنگٹن میں اسرائیلی اہلکاروں کی ہلاکت پر گفتگو

جمعہ 23 مئی 2025 13:46

تل ابیب (اُردو پوائنٹ اخبارتازہ ترین - این این آئی۔ 23 مئی2025ء)اسرائیلی وزیراعظم نیتن یاہو نے امریکی صدر ڈونلڈ ٹرمپ سے ٹیلی فون پر رابطہ کیا۔ میڈیارپورٹس کے مطابق اسرائیلی وزیراعظم کے دفتر نے جمعہ کو ایک بیان میں کہاکہ واشنگٹن فائرنگ میں دو اسرائیلی سفارتی اہلکاروں کی ہلاکت پر تبادلہ خیال کیا گیا۔

(جاری ہے)

اسرائیلی وزیراعظم کے دفتر کے مطابق ٹرمپ اور نیتن یاہو نے غزہ جنگ پر بھی بات چیت کی۔ اسرائیلی وزیراعظم کے دفتر کے مطابق ٹرمپ نے یرغمالیوں کی رہائی سمیت نیتن یاہو کے غزہ کی جنگ کے مقاصد کی حمایت کی۔ دونوں رہنماں کے درمیان ایران کے ممکنہ جوہری معاہدے پر بھی تبادلہ خیال ہوا۔