وزیر قانون و انصاف اعظم نذیر تارڑ سے مختلف بار ایسوسی ایشنز کے وفود کی ملاقات

ہفتہ 24 مئی 2025 04:15

اسلام آباد (اُردو پوائنٹ اخبارتازہ ترین - این این آئی۔ 24 مئی2025ء)وفاقی وزیر قانون و انصاف اعظم نذیر تارڑ سے جمعہ کو مختلف بار ایسوسی ایشنز کے وفود نے ملاقات کی۔ ترجمان کے مطابق اسلام آباد ہائی کورٹ بار ، راولپنڈی ہائی کورٹ بار کے وفود ملاقات میں شریک تھے۔چکوال، جھنگ، حافظ آباد، ڈسکہ،وزیر آباد ،سمندری، حسن ابدال، کلورکوٹاور اٹک بارز کے نمائندے بھی ملاقات میں موجود تھے۔

(جاری ہے)

اس موقع پر پنجاب کی متعدد بار ایسوسی ایشنز کو گرانٹ ان ایڈ چیکس جاری کئے گئے۔وزیر قانون نے کہا کہ وکلاء کے مسائل کے حل کے لئے حکومت پرعزم ہے ، بارز کی فلاح حکومت کی ترجیحات میں شامل ہے۔وزیر قانون اعظم نذیر تارڑ نے کہا کہ وزیراعلیٰ پنجاب کی قیادت میں بار ایسوسی ایشنز کے لئے مؤثر اقدامات کئے گئے ، بار رومز کی تزئین و آرائش و سہولیات کی فراہمی کے لئے تعاون کیا گیا۔وزیر قانون نے بارز کے مسائل کے حل کے لئے ہر ممکن مدد کا عزم ظاہر کیا۔