صحت کارڈ میں مزید بیماریوں کا علاج شامل کردیا گیا،بیرسٹر سیف

108 ارب روپے کی خطیر رقم عوام کی صحت پر خرچ کی جا چکی ہے،مشیراطلاعات

ہفتہ 24 مئی 2025 16:48

صحت کارڈ میں مزید بیماریوں کا علاج شامل کردیا گیا،بیرسٹر سیف

پشاور(اُردو پوائنٹ اخبارتازہ ترین - این این آئی۔ 24 مئی2025ء)مشیر اطلاعات خیبر پختونخوا بیرسٹر سیف نے کہا ہے کہ صحت کارڈ میں مزید بیماریوں کا علاج شامل کر دیا گیا۔

(جاری ہے)

ایک بیان میں بیرسٹرسیف نے کہاکہ جگر، گردے اور بون میرو کی پیوند کاری کا علاج اب مفت فراہم کیا جائے گا، آلہ سماعت کی تنصیب کا علاج بھی صحت کارڈ میں شامل کر لیا گیا۔انہوںنے کہاکہ مردان سے پائلٹ پروجیکٹ کے تحت او پی ڈی کا آغاز بھی جلد کیا جائے گا، دیگر بیماریوں کا علاج بھی جلد صحت کارڈ میں شامل کیا جائے گا۔انہوں نے کہاکہ 108 ارب روپے کی خطیر رقم عوام کی صحت پر خرچ کی جا چکی ہے۔صوبائی وزیر نے کہا کہ 753 اسپتالوں میں صحت کی مفت سہولتیں فراہم کی جا رہی ہیں۔