عمر ایوب اور شبلی فراز کی طرف سے ویڈیولنک کے ذریعے گواہ کا بیان قلمبند نہ کرنے کی درخواست مسترد

ہفتہ 24 مئی 2025 19:46

فیصل آباد (اُردو پوائنٹ اخبارتازہ ترین - آن لائن۔ 24 مئی2025ء) انسداد دہشت گردی فیصل آبادکی عدالت نے عمر ایوب اور شبلی فراز کی طرف سے ویڈیولنک کے ذریعے گواہ کا بیان قلمبند نہ کرنے کی درخواست مسترد کردی۔

(جاری ہے)

آن لائن ذرائع کے مطابق انسداد دہشت گردی کی عدالت کے سپیشل جج جاوید اقبال شیخ نے 9 مئی کے چاروں مقدمات میں تحریک انصاف کے رہنما وممبرقومی اسمبلی عمر گوہرایوب اور تحریک انصاف کے سینٹرشبلی فراز کے وکلاء جان بوجھ کر پیش نہیں ہورہے تھے جس کے بعد عدالت نے احکامات جاری کیے تھے کہ مقدمات کے گواہ انسپکٹر عصمت کمال کا بیان ویڈیولنک کے ذریعے قلمبند کیا جائے گا جبکہ ان احکامات کے خلاف عمر ایوب اور شبلی فراز نے عدالت میں درخواست دائر کی تھی کہ ویڈیو لنک کی بجائے گواہ کو عدالت میں طلب کرکے بیان ریکارڈ کیا جائے جس پرانسداد دہشت گردی کی عدالت کے سپیشل جج جاوید اقبال شیخ نے ملزمان کی درخواست مسترد کرتے ہوئے کہا ہے کہ گواہ متعدد بار عدالت میں پیش ہوچکا ہے لیکن آپ کے وکلاء کی طرف سے عدالت میں پیش ہونے سے گریز کیا گیا ہے۔