وزیر اعلیٰ پنجاب سمر گیمز 2025راولپنڈی ڈسٹرکٹ کا ٹر ائلزشیڈول جاری

ٹر ائلز میں ڈیپارٹمنٹل کھلاڑیوں کو حصہ لینے کی اجازت نہیں ہو گی، کبڈی کے لئے عمر کی کو ئی حد نہیں ، رپورٹ

ہفتہ 24 مئی 2025 21:15

راولپنڈی(اُردو پوائنٹ اخبارتازہ ترین - این این آئی۔ 24 مئی2025ء) وزیراعلیٰ پنجاب سمر گیمز 2025راولپنڈی ڈسٹرکٹ کا شیڈول جاری کر دیا گیا۔ وزیر اعلیٰ پنجاب مر یم نواز کی ہدایت پر سپورٹس اینڈ یوتھ افئیرز پنجاب کے زیر اہتمام وزیر اعلیٰ سمر گیمز 2025کے سلسلہ میں راولپنڈی ڈسٹر کٹ میں ٹر ائلز کاشیڈول جاری کر دیا۔ڈسٹر کٹ سپورٹس آفیسر راولپنڈی شمس تو حید عباسی کے مطابق 25اور 26مئی کو دن دو بجے بیڈ منٹن بوائز اینڈ گرلز کے ٹر ائل شہباز شریف سپورٹس کمپلیکس کر کٹ اسٹیڈیم روڈمیں ہو نگے۔

ہا کی بوائزاینڈ گر لز کے ٹرائلز 29اور 30مئی کودن تین بجے شہناز شیخ ہا کی اسٹیڈیم میں منعقد ہو نگے۔27 مئی کو کبڈی کے ٹرائلز بیول کبڈی گر ائونڈ تحصیل گو جر خان میں شام چار بجے منعقد ہو نگے۔

(جاری ہے)

والی بال کے ٹرائلز 28مئی کو دن تین بجے دارلاقم سکول مر ید چوک تحصیل کلر سیداں میں منعقدہ ہو نگے۔ ٹرائلز میں ڈیپا رٹمنٹل کھلاڑیوں کو حصہ لینے کی اجازت نہیں ہو نگی کبڈی کے لئے عمر کی کو ئی حد نہیں ہے کبڈی کی ٹیم میں تین ڈیپارٹمنٹل کھلاڑی حصہ لے سکتے ہیں جبکہ با قی کھیلوں میں صرف 21 سال سے کم عمر بوائز اینڈ گر لز حصہ لے سکتے ہیں ٹر ائلز کے موقع پر اصل شناختی کارڈ یا ا یف آر سی بمعہ دو عدد پاسپورٹ سائز بلیو بیک گرائوڈ والی پکچرز ساتھ لازمی لا نا ہو گا۔

واضح رہے کہ ان ٹر ائلز میں صرف راولپنڈی ڈسٹر کٹ کامستقل پتہ رکھنے والے کھلاڑی حصہ لے سکیںگے ،ان ٹرائلز کے بعد راولپنڈی ڈسٹرکٹ کی ٹیموں کا چناؤ مکمل ہو جائے گا اور اس کے بعد یکم جون سے پانچ جون تک انٹر ڈسٹرکٹ راولپنڈی ڈویڑن کے مقابلے راولپنڈی میں منعقد ہوں گے اور جیتنے والی ٹیمیں عید کے بعد پنجاب کے مقابلوں میں شرکت کریں گی۔