شاہ چارلس سوم کینیڈا کے شٹل دورے پر، ٹرمپ سے متعلق کوئی مخفی اشارے متوقع

پیر 26 مئی 2025 15:44

لندن (اُردو پوائنٹ اخبارتازہ ترین - این این آئی۔ 26 مئی2025ء)برطانیہ کے بادشاہ چارلس سوم اپنی پرانی نو آبادیاتی اور دولت مشترکہ کے رکن ملک کینیڈا کے دورے پر پہنچنے والے ہیں تاکہ کینیڈا کے بارے میں امریکی صدر ٹرمپ کے ان خیالات کا جائزہ لے سکیں جن کے تحت امریکہ سابقہ برطانوی نو آبادیات کو اپنی 51 ویں ریاست بنانے کا ارادہ رکھتا ہے۔

(جاری ہے)

امریکی ٹی وی کے مطابق برطانیہ کے 76 سالہ بادشاہ چارلس کا کینیڈا کا یہ دورہ مختصر ہونے کے باوجود بڑا بامعنی اور اثر پزیری کا حامل ہو گا۔

امریکی صدر ٹرمپ کے کینیڈا کو امریکی ریاست بنا لینے کے خیالات پر کینیڈا میں سخت رد عمل سامنے آ چکا ہے۔ تاہم امریکہ وکینیڈا ایسے دو قریبی پڑوسیوں کے درمیان آنے والی اس سرد مہری کے دوران شاہ چارلس سوم کی آمد پہلی بار ہو گی۔ جس میں وہ امکانی طور پر ٹرمپ کے ان خیالات کے بارے میں بھی کچھ کہیں گے جو کینیڈا اور امریکہ کے درمیان فاصلہ پیدا کرنے کا وقتی سبب بنے ہیں۔