ڈی آئی خان، 2ملزمان کی 12سالہ بچے کو نشہ دیکر جنسی زیادتی

رکنی پنچائت نے ملزم کی 8سالہ بہن کو زیادتی کا نشانہ بننے والے بچے کیساتھ ونی کرکے نکاح پڑھوا دیا

پیر 26 مئی 2025 23:02

ڈیرہ اسماعیل خان (اُردو پوائنٹ اخبارتازہ ترین - این این آئی۔ 26 مئی2025ء)علاقہ تلوکر میں 2ملزمان کی 12سالہ بچے کو نشہ دیکر جنسی زیادتی کے واقعہ کے بعد 4رکنی پنچائت نے ملزم کی 8سالہ بہن کو زیادتی کا نشانہ بننے والے بچے کے ساتھ ونی کرکے نکاح پڑھوا دیا، گومل یونیورسٹی پولیس نے نکاح خوان سمیت پنچائت کے 4افراد کیخلاف مقدمہ درج کرلیا ۔

(جاری ہے)

تفصیلات کے مطابق تھانہ گومل یونیورسٹی میں ایس ایچ او اصغر خان 310A-376-53-PPC-201کے تحت رپورٹ درج کی ہے کہ گزشتہ روز اطلاع ملی کہ 12سالہ کاشف ولد سجاول تلوکر سکنہ تلوکر کے ساتھ رضوان دھولکہ ولد نواز ، مشتاق ولد رمضان ، پسران ہاشم تلوکر 9/10نے دن پہلے نشہ دیکر بد فعلی کی ، جس کی پاداش میں بروز جمعرات علاقہ معتبرین ثالثی ، امان اللہ ولد االلہ ڈیوایہ ، اللہ ڈیوایہ ولد احمد تلوکر ، ذکریہ ولد امین تلوکر ، ہاشم ولد عبدالرحمن تلوکر سکنائے تلوکر امان اللہ کی بیٹھک میں بیٹھے اور فیصلہ کیا کہ رضوان کی ہمشیرہ 8سالہ مقدس بی بی کا مفضول کاشف کے ساتھ ونی کروا کر نکاح پڑوا یا ، یہ نکاح مسجد امام تلوکر کے مولوی رحمت اللہ ولد اعظم سکنہ تلوکر نے پڑھایا۔