ویمنز بگ بیش لیگ،ایڈیلیڈ اسٹرائیکرزکا لورا وولوارڈٹ کے ساتھ نیا دو سالہ معاہدہ طے پاگیا

منگل 27 مئی 2025 10:10

ایڈیلیڈ (اُردو پوائنٹ اخبارتازہ ترین - اے پی پی۔ 27 مئی2025ء) جنوبی افریقا کی مایہ ناز بلے باز لورا وولوارڈٹ نے ویمنز بگ بیش لیگ کے آئندہ سیزن کے لئے ایڈیلیڈ اسٹرائیکرز کے ساتھ نئے دو سالہ معاہدے پر دستخط کر دیئے ہیں اور اب دو سال تجدیدکے تحت لورا وولوارڈٹ 2027 تک ڈبلیو بی بی ایل کی فرنچائز ایڈیلیڈسٹرائیکرز کی نمائندگی کریں گی۔ 31 سالہ لورا وولوارڈٹ بی بی ایل کے گزشتہ پانچ سیزن کے دوران ایڈیلیڈاسٹرائیکرز کے لئے 71 میچوں میں شمولیت کی، جنوبی افریقہ کی خواتین ٹیم کی کپتان اور مایہ ناز بلے باز لورا وولوارڈٹ نے 27.83 اور 110.92 کے سٹرائیک ریٹ سے 1726 رنز بنائے ہیں۔

ایڈیلیڈ اسٹرائیکرز کا مقصد گزشتہ سیزن میں ٹائٹل کی ہیٹ ٹرک کرنا تھا لیکن وہ گزشتہ سیریز میں ساتویں نمبر پر رہی اور اپنے 10 میچوں میں صرف تین میچ ہی جیت سکی ۔

(جاری ہے)

اس موقع پر لورا وولوارڈٹ نے کہا کہ ایڈیلیڈ سٹرائیکرز کلب میرے لیے دوسرا گھر بن گیا ہے، اور میری یہاں بہت سی ناقابل یقین یادیں وابستہ ہیں۔ خاص طور پر ہماری بیک ٹو بیک چیمپئن شپ فتوحات ہیں۔

انہوں نے کہا کہ اگرچہ ڈبلیو بی بی ایل کا گزشتہ سیزن ہماری امید کے مطابق نہیں گزرا، لیکن میں مستقبل کے بارے میں ناقابل یقین حد تک پرجوش ہوں اور اپنی ایڈیلیڈ سٹرائیکرز کو مزید کامیابی دلانے کے لئے پرعزم ہوں۔ لورا وولوارڈٹ نے کہا کہ میں ایڈیلیڈ سٹرائیکرز کی نمائندگی کے لئے مزید انتظار نہیں کر سکتی ۔ایڈیلیڈسٹرائیکرز کے ہیڈ کوچ لیوک ولیمز نے کہا کہ لورا وولوارڈٹ ایک عالمی معیار کی کھلاڑی ہیں اور ایڈیلیڈسٹرائیکرز ٹیم کا ایک اہم حصہ ہیں، اس لیے ہم ان کے معاہدے میں مزید دو سال کی تجدید پر بہت خوش ہیں۔\932

Facebook Twitter Google + Share on Whatsapp

ویمنز بگ بیش لیگ،ایڈیلیڈ اسٹرائیکرزکا لورا وولوارڈٹ کے ساتھ نیا دو سالہ معاہدہ طے پاگیا

متعلقہ عنوان :

مزید کھیلوں کی خبریں