ترکیہ کے قونیا ایئربیس پر مشترکہ مشق عنقا اناتولین 2025 اختتام پذیر

بدھ 28 مئی 2025 16:14

استنبول(اُردو پوائنٹ اخبارتازہ ترین - این این آئی۔ 28 مئی2025ء)ترکیہ کے قونیا ایئربیس پر مشترکہ مشق عنقا اناتولین 2025 اختتام پذیر ہوگئی۔ عرب ٹی وی کے مطابق سعودی رائل ایئرفورس نے ترکیہ اور دیگر دوست و برادرملکوں کی فورسز کے ساتھ متعدد کامیاب وار سرچ اینڈ ریسکیو مشقیں کیں۔

(جاری ہے)

سعودی دستے کے گروپ کمانڈر لیفٹیننٹ کرنل پائلٹ عبدالرحمان المنصور نے کہا ہے کہ دو ہفتے تک کئی تربیتی مشقوں اور کوآرڈینیشن کی سرگرمیوں میں حصہ لیا۔

ان مشقوں میں فضائی تیکنیکی اور معاون عملے کے درمیان پروفیشنل مہارت کے ساتھ مشترکہ آپریشنل مشنوں کی منصوبہ بندی اور ان پرعملدرآمد کی بہترین صلاحیتوں کا مظاہرہ کیا گیا ہیجس کا مقصد مہارت کا تبادلہ اور حقیقی جنگ کے ماحول میں جنگی تیاریوں کو بڑھانا ہے۔ مشقوں کے مطلوبہ مقاصد کامیابی سے حاصل کیے گئے۔