اسلام آباد ہائی کورٹ: نجی ہائوسنگ سوسائٹی کے خلا ف کیس کی سماعت اگلے ہفتے تین جون کوہوگی

بدھ 28 مئی 2025 21:57

اسلام آباد(اُردو پوائنٹ اخبارتازہ ترین - آن لائن۔ 28 مئی2025ء)اسلام آباد ہائی کورٹ نجی ہا?سنگ سوسائٹی کے خلا ف کیس کی سماعت اگلے ہفتے تین جون کوکرے گی اس دوران فریقین پیش ہوں گے اور عدالت کوتفصیلات سے آگاہ کریں گے ،عدالت عالیہ پہلے ہی نجی ہاؤسنگ سوسائٹی کو ڈویلپمنٹ چارجز لینے سے روک چکی ہے ،جج راجہ امین انعام منہاس نے سماعت کی تھی۔

(جاری ہے)

واضح رہے کہ پارک ویو سٹی رہائشی لوگوں سے دوبارہ ڈویلپمنٹ چارجز مانگ رہی تھے جس کے مطابق پانچ مرلے والے سے پانچ لاکھ اور دس مرلے والے سے دس لاکھ ڈویلپمنٹ چارجز لگائے گئے تھے اور پندرہ مئی تک عدم ادائیگی کی صورت میں یہ چارجز ڈبل ہوجانے تھے۔

ایڈوکیٹ ہائیکورٹ اور اس کیس کے پیٹیشنرز قاسم چٹھہ نے کہا ہے کہ لوگوں نے پلاٹس 2018 اور 2021 میں خریدے تھے اور اس وقت جو بھی رقم بنتی تھی مکمل ادا کر دی گئی تھی اور کوئی پوشیدہ چارجز باقی نہیں تھے مگر پانچ سال کے بعد پھر دوبارہ ڈویلپمنٹ چارجز لگانا آئینی قانونی طور پر غلط ہے اور سی ڈی اے کے ڈویلپمنٹ بائی لاز کیمطابق بھی درست نہیں ہے۔اس پر عدالت نے ڈویلپمنٹ چارجز کے نوٹیفکیشن کو کالعدم کرتے ہوئے سوسائٹی کو ڈویلپمنٹ چارجز لینے سے روک دیا ہے اور فریقین کو طلب کرلیا ہے۔