بلوچستان‘ مسافر کوچ بے قابو ہوکر کھائی میں جا گری، 4 جاں بحق، 40زخمی

مسافر کوچ صادق آباد سے کوئٹہ جا رہی تھی، زخمی 32 مسافر ہسپتال منتقل، متعدد کی حالت تشویش ناک

جمعرات 29 مئی 2025 12:16

سبی(اُردو پوائنٹ اخبارتازہ ترین - این این آئی۔ 29 مئی2025ء) بلوچستان کے علاقے بولان میں مسافر کوچ ڈرائیور سے بے قابو ہوکر کھائی میں گر گئی جس سے 4 افراد جاں بحق اور 40 زخمی ہوگئے۔لیویز ذرائع نے بتایا کہ بولان کے حاجی شہر میں افسوس ناک حادثہ پیش آیا ہے، جہاں ایک مسافر کوچ ڈرائیور سے بے قابو ہوکر کھائی میں گرنے سے 4 مسافر جان کی بازی ہار گئے۔

(جاری ہے)

مسافر کوچ صادق آباد سے کوئٹہ جا رہی تھی، حادثے میں زخمی 32 مسافروں کو ہسپتال منتقل کر دیا گیا ہے، متعدد زخمیوں کی حالت تشویش ناک بتائی گئی ہے، زخمیوں میں خواتین اور بچے بھی شامل ہیں۔سبی ہسپتال کے ڈاکٹروں کا کہنا ہے کہ زخمیوں کو گہری چوٹیں آئی ہیں، کئی مریضوں کی حالت نازک ہے تاہم ان کا علاج کیا جارہا ہے۔ذرائع نے بتایا کہ زخمیوں میں سے 10 افراد کو حالت تشویشناک ہونے پر کوئٹہ منتقل کر دیا گیا ہے۔