Live Updates

امریکا کےگولڈن ڈوم کی تنصیب سے خلا میں ہتھیاروں کی دوڑ شروع ہونے کا خطرہ بڑھ جائے گا ، چین

جمعرات 29 مئی 2025 16:47

بیجنگ (اُردو پوائنٹ اخبارتازہ ترین - اے پی پی۔ 29 مئی2025ء) چین نے خبردار کرتے ہوئے کہا ہے کہ امریکا کی طرف سے جدید ترین میزائل شیلڈ سسٹم گولڈن ڈوم سسٹم اور خلائی بنیاد پر ہتھیاروں کی تنصیب کے لیے اقدامات سے خلائی ہتھیاروں کی دوڑ شروع ہونے کا خطرہ بڑھ جائے گا۔

(جاری ہے)

شنہوا کے مطابق چین کی وزارت قومی دفاع کے ترجمان ژانگ ژیاؤانگ نے جمعرات کوپریس کانفرنس میں بیرونی خلائی معاہدے کے متعلقہ اصولوں کی خلاف ورزی کے امریکی اقدامات کو تنقید کا نشانہ بناتے ہوئے کہا کہ امریکی اقدامات ایک بار پھر پنڈورا باکس کھول دیں گے۔

انہوں نے کہا کہ اس سے ایک بار پھر ثابت ہوتا ہے کہ کسی بھی ملک نے خلا کو عسکری بنانے اور اسے میدان جنگ بنانے میں امریکا سے زیادہ کام نہیں کیا۔ انہوں نے امریکا پر زور دیا کہ وہ خلا میں اپنی فوجی تیاری کو بڑھانا بند کرے اور عالمی سٹریٹجک استحکام کو برقرار رکھنے کے لیے ٹھوس اقدامات کرے۔ ■