جنرل ہسپتال سے منسلک اے ایم سی کے پانچویں کا نووکیشن کے انتظامات مکمل کر لئے گئے

جمعرات 29 مئی 2025 17:15

لاہور (اُردو پوائنٹ اخبارتازہ ترین - اے پی پی۔ 29 مئی2025ء) لاہور جنرل ہسپتال سے منسلک امیر الدین میڈیکل کالج کاپانچواں کانووکیشن 3جون کو ایوان اقبال لاہور میں منعقدہوگا جس میں ایم بی بی ایس میں کامیاب ہونے والے 200ڈاکٹروں کو ڈگریاں جبکہ پوزیشن ہولڈرز اور بیسٹ گریجوایٹس کو میڈلز سے نوازا جائے گا۔

(جاری ہے)

پرنسپل اے ایم سی پروفیسر فاروق افضل نے بتایا کہ اس کانووکیشن میں شریک ہونے والے طلبا وطالبات کو انتظامیہ کی جانب سے اپنے ساتھ 2مہمانوں کو لانے کی اجازت ہوگی۔

پرنسپل نے کہا کہ میڈیکل کی ڈگری حاصل کرنا سٹوڈنٹس کیلئے یادگار اور اہم مرحلہ ہے ۔پروفیسر فاروق افضل نے کہا کہ ایم بی بی ایس کی ڈگری کا حصول میڈیکل سٹوڈنٹس کا دیرینہ خواب ہوتا ہے ۔امیر الدین میڈیکل کالج کے 3جون کو منعقد ہونے والے کانووکیشن کے آرگنائزنگ سیکرٹری پروفیسر ڈاکٹر محمد شاہد نے بتایا کہ کانووکیشن کے انتظامات کو حتمی شکل دے دی گئی ہے اور مختلف کمیٹیوں کو ذمہ داریاں سونپ دی گئی ہیں۔