سی ٹی ڈی نے دہشتگردی کی کوشش ناکام بنا دی، بھارتی خفیہ ایجنسی کے دو دہشتگرد گرفتار

جمعہ 5 ستمبر 2025 14:47

لاہور/بہاولنگر(اُردو پوائنٹ اخبارتازہ ترین - این این آئی۔ 05 ستمبر2025ء) محکمہ انسداد دہشت گردی نے بہاولنگر میں بروقت کارروائی کرکے بڑی دہشتگردی کی کوشش ناکام بنادی۔ترجمان سی ٹی ڈی کے مطابق بہاولنگر سے دو دہشتگردوں کو گرفتار کرلیا گیا ہے، دہشتگرد کالعدم تنظیم سے تعلق رکھتے ہیں، ملزمان بھارتی خفیہ ایجنسی ’’را ‘‘سے رابطے میں تھے۔دہشتگردوں کے قبضے سے اسلحہ، بارودی مواد اورجدید موبائل برآمد کرلیا گیا۔

(جاری ہے)

ملزمان بڑا دھماکہ کرنے کی منصوبہ بندی کررہے تھے۔ سی ٹی ڈی نے کارروائی کے بعد دہشتگردی کی دفعات کے تحت مقدمہ درج کیا، ملزمان کے خلاف ایکسپلوسو ایکٹ اور7اے ٹی اے کے تحت مقدمہ درج کیا گیا۔حکام کے مطابق ناکام بنائی گئی سازش میں بھارتی ایجنسی ’’را‘‘ کی فنڈنگ کے شواہد ملے ہیں، جدید اسلحہ اوربارودی مواد تحویل میں لے کر فرانزک لیبارٹری بھجوادیاگیا۔سی ٹی ڈی حکام کے مطابق پاکستان دشمنوں کے ناپاک عزائم کامیاب نہیں ہونے دیں گے۔