شاہد آفریدی کا دبئی میں پرتکلف عشائیہ،

کرکٹ و شوبز ستاروں کی شرکت – لالہ دربار کے ذائقوں کی خوب تعریف

جمعرات 29 مئی 2025 16:41

دبئی(اُردو پوائنٹ اخبارتازہ ترین۔ 29 مئی 2025ء) سابق کپتان اور اسٹار آل راؤنڈر شاہد خان آفریدی کی جانب سے دبئی کے مشہور پاکستانی ریسٹورنٹ لالہ دربار میں ایک شاندار عشائیے کا اہتمام کیا گیا، جس میں معروف کرکٹرز، اداکار اور میڈیا شخصیات نے شرکت کی۔ تقریب میں سابق اسٹار کرکٹر سہیل تنویر، جادوئی اسپنر سعید اجمل، مشہور اداکار عمران عباس، اور صحافی حضرات عمران یوسف زئی، راجہ اسد خالد، اعجاز احمد گوندل اور محمد ارشد انجم شریک ہوئے۔

محفل خوشگوار ماحول، باہمی محبت اور احترام کا خوبصورت مظہر تھی، لیکن توجہ کا مرکز لالہ دربار کے روایتی اور مزیدار پاکستانی کھانے بنے۔ سہیل تنویر نے کہا: “دیارِ غیر میں ایسے اصلی پاکستانی ذائقے ملنا کسی نعمت سے کم نہیں۔

(جاری ہے)

” سعید اجمل بولے: “لالہ دربار کے کھانوں میں وطن کی خوشبو ہے، یہ ذائقہ ہمیں اپنے بچپن کی یاد دلاتا ہے۔” اداکار عمران عباس نے کہا: “یہاں کا ماحول، مہمان نوازی اور کھانوں کا ذائقہ واقعی دل کو چھو لینے والا ہے، میں ہر پاکستانی کو یہاں آنے کی دعوت دیتا ہوں۔

” تقریب کے اختتام پر شاہد آفریدی اور ریسٹورنٹ کے پارٹنر سلیم کارساز نے تمام مہمانوں کا شکریہ ادا کیا اور لالہ دربار کی ٹیم کی تعریف کرتے ہوئے کہا: “لالہ دربار نہ صرف پاکستانی ذائقوں کا محافظ ہے، بلکہ ہماری ثقافت کا عالمی سفیر بھی ہے۔ میں دنیا بھر میں بسنے والے پاکستانیوں کو دعوت دیتا ہوں کہ جب بھی دبئی آئیں، لالہ دربار ضرور تشریف لائیں اور اصل وطن کے ذائقوں سے لطف اندوز ہوں۔” تقریب کا اختتام خوشگوار یادوں اور باہمی محبت سے بھرپور لمحات کے ساتھ ہوا، اور شرکاء نے اس عشائیے کو ایک یادگار موقع قرار دیتے ہوئے شاہد آفریدی کا شکریہ ادا کیا۔