صوابی، پولیس نے بین الضلاعی 2 منشیات فروش گرفتارکر لئے، قبضے سے بھاری مقدار میں منشیات برآمد

جمعرات 29 مئی 2025 22:54

صوابی (اُردو پوائنٹ اخبارتازہ ترین - این این آئی۔ 29 مئی2025ء)یارحسین پولیس نے بین الضلاعی 2منشیات فروش گرفتارکر کے قبضے سے بھاری مقدار میں منشیات برآمد کرلی جبکہ دو سالوں سے اقدام قتل میں مطلوب اشتہاری مجرم کو بھی دھرلیا۔

(جاری ہے)

ڈی پی او آفس سے جاری پریس ریلیز کے مطابق ایس ڈی پی او سرکل لاہور محمد نعمان کی قیادت میں ایس ایچ او تھانہ یارحسین عبدالولی خان نے پولیس ٹیم کے ہمراہ دوران ناکہ بندی موٹرسائیکل سوار کو روک کر تلاشی لینے پر ملزم تیمور خان سکنہ یارحسین سے چار پیکٹ چرس یعنی 3904گرام چرس ایک اور کامیاب کارروائی میں ملزم عباس گوہر سکنہ یارحسین کے قبضے سے 2004ء گرام چرس برآمد کرکے پابند سلاسل کئے۔

ملزمان کے قبضے سے مجموعی طور پر 5908گرام چرس برآمد کی گئی، پولیس نے گرفتار ملزمان کے خلاف منشیات ایکٹ کے تحت رپورٹ درج کرکے تفتیش شروع کردی ہے جبکہ عرصہ دو سالوں سے اقدام قتل میں مطلوب اشتہاری مجرم یاسر سکنہ یارحسین کو بھی مسلح گرفتار کرلیا ۔