اسرائیلی ڈرون حملے میں جنوبی لبنان کا میونسپل ملازم جاں بحق

حملہ اس وقت کیا گیا جب مذکورہ ملازم سرکاری ڈیوٹی انجام دینے کے لیے موٹر سائیکل پر جا رہاتھا

جمعہ 30 مئی 2025 12:43

بیروت(اُردو پوائنٹ اخبارتازہ ترین - این این آئی۔ 30 مئی2025ء)جنوبی لبنان کے علاقے نبطیہ الفوقا میں اسرائیلی ڈرون حملے میں ایک میونسپل ملازم جاں بحق ہو گیا۔

(جاری ہے)

لبنانی سرکاری خبر ایجنسی کے مطابق، یہ حملہ اس وقت کیا گیا جب مذکورہ ملازم سرکاری ڈیوٹی انجام دینے کے لیے موٹر سائیکل پر جا رہاتھا۔خبر ایجنسی نے بتایا کہ بلدیہ نبطیہ الفوقا کا یہ ملازم جنگل علی الطاہر میں موجود ایک کنویں سے گھروں کو پانی کی فراہمی کے لیے جا رہا تھا کہ اسے ایک دشمن ڈرون نے نشانہ بنایا۔ ڈرون سے داغے گئے میزائل کے نتیجے میں وہ موقع پر ہی دم توڑ گیا۔