میٹروپولیٹن کارپوریشن لاہور افسران کی پھرتیاں

رائے ونڈ کے غریب خوانچہ فروشوں کو ریڑھیاں دینے کی بجائے لاہور واپس منگوا لیں

جمعہ 30 مئی 2025 13:29

رائے ونڈ (اُردو پوائنٹ اخبارتازہ ترین - این این آئی۔ 30 مئی2025ء)میٹروپولیٹن کارپوریشن لاہور افسران کی پھرتیاں ،رائے ونڈ کے غریب خوانچہ فروشوں کو ریڑھیاں دینے کی بجائے لاہور واپس منگوا لیں ۔

(جاری ہے)

تفصیلات کے مطابق گزشتہ روز پرنٹ اور الیکڑانک میڈیا پر میٹروپولیٹن کارپوریشن افسران کی غفلت بارے خبریں نشر ہوئیں کہ لاکھوں روپے مالیت کی تین درجن سے زائد ماڈل ریڑھیاں رائے ونڈ کے غریب خوانچہ فروشوں کو دینے کیلئے بھیجی گئی تھیں لیکن کئی ماہ سے ان تین درجن سے زائدماڈل ریڑھیوں کوکھلے آسمان تلے سی اویونٹ میں رکھا گیا جس سے انکی حالت خراب ہو رہی تھی ،بے حس افسران نے اپنی غفلت چھپانے کیلئے رائے ونڈ کے غریب خوانچہ فروشوں کو ریڑھیاں تقسیم کرنے کی بجائے پوری کھیپ لاہور منگوا لی جس پر رائے ونڈ کے خوانچہ فروشوں میں تشویش کی لہر دوڑ گئی ہے ،غریب خوانچہ فروشوں نے میٹروپولیٹن کارپوریشن لاہور افسران کی اس حرکت پر احتجاج کرتے ہوئے کہا کہ وزیر اعلیٰ پنجاب مریم نواز کے ویژن کے مطابق رائے ونڈ شہر کے خوانچہ فروشوں کو ملنے والی ماڈل ریڑھیوں کو واپس منگوا کر انکے حقوق پر ڈاکہ ڈالنے کی ناکام کوشش کی گئی ہے ،میٹروپولیٹن کارپوریشن لاہور افسران رائے ونڈ کے عوام کیساتھ نارواسلوک اختیار کئے ہوئے ہے رائے ونڈ کے وسائل پر قابض ہو کر رائے ونڈ کے عوام کو بنیادی سہولیات سے یکسر محروم رکھا ہوا ہے ،خوانچہ فروشوں نے وزیر اعلیٰ پنجاب مریم نواز شریف سے اپیل کی ہے کہ ماڈل ریڑھیوں کی تمام کھیپ رائے ونڈ واپس بھجوا کر مستحق افراد میں تقسیم کی جائے تاکہ وہ اپنا روزگار باعزت طریقے سے کما سکیں ۔