بھارت کے یوم آزادی پر بھارت کے غیر قانونی زیر تسلط جموں و کشمیر میں بلیک آئوٹ ہے،مشعال ملک

جمعہ 15 اگست 2025 13:29

اسلام آباد (اُردو پوائنٹ اخبارتازہ ترین - اے پی پی۔ 15 اگست2025ء) حریت لیڈر یاسین ملک کی اہلیہ مشعال ملک نے کہا ہے کہ بھارت کے یوم آزادی پربھارت کے غیر قانونی زیر تسلط جموں و کشمیر میں بلیک آئوٹ اور فضاؤں میں سوگ اور سناٹے کا راج ہے۔

(جاری ہے)

یہاں جاری بیان میں انہوں نے کہا کہ وادی بھر میں سڑکیں سنسان، جگہ جگہ ناکے اور پورے علاقہ کو جیل میں بدلا جا چکا ہے،عوام کو گھروں سے نکلنے کی اجازت نہیں، تعلیمی ادارے اور کاروباری مراکز بند ہیں،انٹرنیٹ اور مواصلاتی ذرائع پر سخت پابندیاں عائد ہیں۔مشعال ملک نے کہا کہ بھارت کچھ بھی کرلے آزادی کی شمع کو بجھا نہیں سکتا،وہ دن دور نہیں جب کشمیری بھی آزاد فضائوں میں سانس لیں گے۔