عمران خان نے واضح کیا ہے کہ وکٹ کے دونوں طرف کھیلنے والوں کو نہیں چھوڑیں گے، فیصل جاوید

بانی پی ٹی آئی نے مسیج دیا کہ ملک گیر احتجاج کریں، احتجاج کی تاریخ کا فیصلہ سینئر لیڈر شپ کرے گی،میڈیاسے گفتگو

جمعہ 30 مئی 2025 13:39

عمران خان نے واضح کیا ہے کہ وکٹ کے دونوں طرف کھیلنے والوں کو نہیں چھوڑیں ..

پشاور(اُردو پوائنٹ اخبارتازہ ترین - این این آئی۔ 30 مئی2025ء)تحریک انصاف کے رہنما فیصل جاوید نے کہا ہے کہ بانی پی ٹی آئی نے واضح کیا ہے کہ وکٹ کے دونوں طرف کھیلنے والوں کو نہیں چھوڑیں گے۔

(جاری ہے)

پشاور میں میڈیا سے گفتگو کرتے ہوئے فیصل جاوید نے کہا کہ بانی پی ٹی آئی کو پتہ ہے کہ کون کون وکٹ کے دونوں طرف کھیل رہا ہے، میں نام نہیں لے سکتا لیکن بانی پی ٹی آئی سب جانتے ہیں۔انہوںنے کہاکہ ہم نے مذاکرات کے دروازے کبھی بند نہیں کیے، مذاکرات کیلئے بات چیت اور احتجاج دونوں ساتھ ساتھ چلتے ہیں۔فیصل جاوید نے کہاکہ بانی پی ٹی آئی نے مسیج دیا کہ ملک گیر احتجاج کریں، احتجاج کی تاریخ کا فیصلہ سینئر لیڈر شپ کرے گی۔