سعودی عرب میں حج ڈیٹا پلیٹ فارم متعارف

جمعہ 30 مئی 2025 17:03

ریاض (اُردو پوائنٹ اخبارتازہ ترین - اے پی پی۔ 30 مئی2025ء) سعودی عرب نے حج ڈیٹا پلیٹ فارم (منصۃ بيانات الحج) کا آغاز کر دیا ہے جو شہری احوال کے محکمے کی جانب سے متعارف کرایا گیا ہے۔العربیہ کے مطابق یہ پلیٹ فارم حج پرمٹ پلیٹ فارم (منصۃ تصريح) اور قومی معلوماتی مرکز کے ساتھ مربوط ہے۔

(جاری ہے)

اس نئے پلیٹ فارم کے ذریعے حج سے متعلق اعداد و شمار کو پیش کیا جاتا ہے، جیسا کہ نسک پلیٹ فارم سے جاری ہونے والے اندرون مملکت حجاج کے پرمٹس، منسوخ شدہ پرمٹس اور مقدس مقامات پر حجاج سے متعلق رجسٹرڈ شہری حقائق وغیرہ۔

یہ پلیٹ فارم نہ صرف معلومات تک تیز رسائی فراہم کرتا ہے بلکہ سرکاری اداروں کے ساتھ باہمی ربط کو مضبوط بناتا ہے، اور حجاج کو فراہم کردہ خدمات کی شماریات کی نگرانی کے ذریعے ان کی بہتری، ترقی اور موثر کارکردگی کو یقینی بناتا ہے۔

Facebook Twitter Google + Share on Whatsapp

سعودی عرب میں حج ڈیٹا پلیٹ فارم متعارف

متعلقہ عنوان :

مزید بین الاقوامی خبریں