سعودی ولی عہد سے ڈچ وزیراعظم کا ٹیلی فونک رابطہ

غزہ کی پٹی کی صورتحال، اس کے سکیورٹی اور انسانی اثرات پر تبادلہ خیال کیاگیا

جمعرات 4 ستمبر 2025 16:17

سعودی ولی عہد سے ڈچ وزیراعظم کا ٹیلی فونک رابطہ

ریاض(اُردو پوائنٹ اخبارتازہ ترین - این این آئی۔ 04 ستمبر2025ء)سعودی ولی عہد و وزیراعظم شہزادہ محمد بن سلمان سے ہالینڈ کے وزیراعظم ڈک شوف نے ٹیلی فونک رابطہ کیا ہے۔رابطے کے دوران دونوں رہنماوں نے غزہ کی پٹی کی صورتحال، اس کے سکیورٹی اور انسانی اثرات پر تبادلہ خیال کیا۔

(جاری ہے)

سعودی ولی عہد نے بین الاقوامی برادری پر پھر زور دیا کہ وہ شہریوں کے خلاف اسرائیلی جارحیت کے تباہ کن اثرات کو ختم کرے اور دو ریاستی حل میں رکاوٹ بننے والے کسی بھی اقدام کی مذمت کرے۔سعودی ولی عہد اور ہالینڈ کے وزیراعظم نے دونوں ملکوں کے درمیان تعلقات، تعاون کے موجودہ شعبوں اور مختلف شعبوں میں تعاون کے طریقوں کا بھی جائزہ لیا۔