عارف والا ،وزیر اعلیٰ پنجاب کے ستھرا پنجاب پروگرام کے تحت دیہی علاقوں میں بھی شہری معیار کی سہولیات کی فراہم کو یقینی بنایاجا رہا ہے،ڈپٹی کمشنر

جمعہ 30 مئی 2025 17:07

عارف والا (اُردو پوائنٹ اخبارتازہ ترین - اے پی پی۔ 30 مئی2025ء) ڈپٹی کمشنر ماریہ طارق نے کہا کہ وزیر اعلیٰ پنجاب مریم نواز کے ستھرا پنجاب پروگرام کے تحت دیہی علاقوں میں بھی شہری معیار کی سہولیات کی فراہمی کو یقینی بنایا جا رہا ہے، تاکہ عوام کو بہتر، صاف اور خوشگوار ماحول میسر آسکے اور ان کا معیارِ زندگی بلند ہو۔ان خیالات کا اظہار انہوں نے رورل ہیلتھ سنٹر قبولہ، بنیادی مرکز صحت ورسیں اور قبولہ میں جاری توسیعی و ترقیاتی منصوبوں کا معائنہ کرتے ہوئے کیا۔

ڈپٹی کمشنر ماریہ طارق نے ان مراکز صحت میں جاری تعمیراتی کاموں اور سہولیات کی بہتری کے لیے اٹھائے گئے اقدامات کا تفصیلی جائزہ لیا۔اس موقع پر چیف آفیسر ضلع کونسل جاوید اسلم، سی ای او ہیلتھ ڈاکٹر سہیل اصغر سمیت دیگر متعلقہ افسران بھی ہمراہ تھے۔

(جاری ہے)

ڈپٹی کمشنر نے رورل ہیلتھ سنٹر قبولہ اور بی ایچ یو ورسیں میں جاری توسیعی منصوبوں کا معائنہ کرتے ہوئے متعلقہ حکام کو ہدایت کی کہ ان منصوبوں کو مقررہ مدت میں اعلیٰ معیار کے ساتھ مکمل کیا جائے تاکہ عوام کو صحت کی بہتر اور جدید سہولیات جلد از جلد دستیاب ہو سکیں، انہوں نے قبولہ میں زیر تعمیر فیملی پارک کے منصوبے کا بھی دورہ کیا اور پارک کے ڈیزائن، تعمیراتی معیار، کام کی رفتار اور سہولیات کا جائزہ لیا، انہوں نے ہدایت کی کہ فیملی پارک میں سایہ دار درخت، بیٹھنے کی جگہیں، بچوں کے جھولے اور واکنگ ٹریکس جیسی بنیادی سہولیات شامل کی جائیں تاکہ یہ پارکس حقیقی معنوں میں عوامی تفریح کا ذریعہ بن سکے۔

ڈپٹی کمشنر ماریہ طارق نے کہا کہ فیملی پارک نہ صرف صحت مند تفریح کا ذریعہ ہے بلکہ ایک خوشحال، متحرک اور صحت مند معاشرے کی تشکیل میں بھی اہم کردار ادا کرتے ہیں۔ انہوں نے منصوبوں کی بروقت تکمیل اور اعلیٰ معیار کو ہر صورت یقینی بنانے کی ہدایت کی، اور واضح کیا کہ تعمیراتی کاموں کی باقاعدہ نگرانی کی جائے گی۔ ناقص کارکردگی یا سستی کی صورت میں متعلقہ ذمہ داران کے خلاف کارروائی عمل میں لائی جائے گی، دورے کے دوران، متعلقہ افسران نے ڈپٹی کمشنر کو منصوبوں کی مالی اور فنی پیش رفت سے متعلق تفصیلی بریفنگ دی، جس پر انہوں نے موقع پر ہی ضروری ہدایات جاری کیں۔\378