گاڑی اور موٹر سائیکل کی رجسٹریشن فیس بڑھانے کا فیصلہ

ایکسائز، ٹیکسیشن اینڈ نارکوٹکس کنٹرول ڈیپارٹمنٹ نے رجسٹریشن فیس میں اضافے کی تجاویز مرتب کر لیں

جمعہ 30 مئی 2025 18:25

لاہور (اُردو پوائنٹ اخبارتازہ ترین۔ 30 مئی2025ء)نئے مالی سال میں گاڑیوں اور موٹر سائیکلز کی رجسٹریشن فیس بڑھانے کا فیصلہ کر لیا گیا ۔ایکسائز، ٹیکسیشن اینڈ نارکوٹکس کنٹرول ڈیپارٹمنٹ نے رجسٹریشن فیس میں اضافے کی تجاویز مرتب کر لیں، جن میں ایک ہزار سی سی تک کار کی رجسٹریشن فیس 1200سے بڑھا کر 5000کرنے کی تجویز دی گئی ہے۔

(جاری ہے)

اس کے علاوہ ایک ہزار سی سی سے 1800سی سی تک گاڑیوں کی رجسٹریشن فیس 2000سے 11000، 1800سی سی سے زائد کی گاڑیوں کی رجسٹریشن فیس 3000 سے بڑھا کر 22000کرنے کی تجویز ہے۔

ایچ ٹی وی کی رجسٹریشن فیس بھی 4000روپے سے بڑھا کر 11000کرنے کی تجویز دی گئی ہے۔اس کے ساتھ موٹر سائیکل کی رجسٹریشن فیس بھی بڑھانے کی تجویز دی گئی ہے۔