یوم پاکستان کی مناسبت سے کے کے پروڈکشن کی جانب سے سعودی عرب کے شہر ریاض میں "ہمارا پاکستان " کی تقریب کا انعقاد

ریاض (اُردو پوائنٹ اخبارتازہ ترین۔ 15 اگست 2025ء)یوم آزادی پاکستان کی مناسبت سے سعودی عرب کے دارالحکومت الریاض میں   "ہمارا پاکستان GST "کے عنوان سے  پر وقار تقریب کا انعقاد کیا گیا،اس تقریب کی میزبانی کے کے پروڈکشن نے کی، جبکہ مہمان خصوصی طور السمو الأمير عبدالعزيز بن متعب بن ثنيان بن محمد آل سعود اور سفیر پاکستان احمد فاروق تھے، اس میں خاص کر ABL کمپنی کے CEO نعمان خان نے بھرپور تعاون کیا اور شرکت کی ۔

اس کے ساتھ ساتھ اس پروگرام میں خاص مہمانوں میں GST گروپ وف کمپنیز کے چیئرمین انجنیئر آصف محمود اور انکی ٹیم نے تعاون اور شرکت کی ۔ 
تقریب میں سٹیج سیکرٹری کے فرائض معروف ہوسٹ صوبیہ نوید اور فریضہ ، ساحل علی  نے کمال مہارت سے سرانجام دیے، اور تقریب کے شرکاء کو تقریب سے جوڑے رکھا، معزز مہمانوں کا استقبالیہ چیئرمین کے کے پروڈکشن خرم خان نے کیا،تقریب میں کمیونٹی کی ممتاز سماجی، سیاسی اور کاروباری شخصیات کے ساتھ ساتھ ہرمکتبہ فکر کے افراد نے بھی بھرپور شرکت کی،مکہ المکرمہ کے معروف بزنس مین حاجی عثمان عبدالحمید، ابو شداد، گل خان اور جدہ سے چیئرمین یونائیڈ میڈیا فورم جہانگیر خان، صدر پاکستان اوورسیز میڈیا فورم شعیب الطاف ، دمام سے سارا خان ، سنگر ارمان خان ، معروف بزنس مین تیمور خان ، میڈیا ایکٹوسٹ خالد حسن ، معروف کاروباری شخصیت منشا طاہر اور انکی ٹیم ، دبئی سے ناصر خان   بھی خصوصی طور پر تقریب میں شریک ہوئے تقریب میں یوم آزادی کے موقع پر بچوں کے ٹیبلو اور ملی نغمے پیش کیے گئے، جبکہ ہال کو سبز ہلالی پرچموں سے خوبصورتی سے سجایا گیا تھا،تقریب سے خطاب کرتے ہوئے سفیر پاکستان احمد فاروق نے کہا کہ یہ جشن ہماری یکجہتی، حب الوطنی اور پاکستان کی ترقی کے عزم کا مظہر ہے۔

(جاری ہے)

انہوں نے کہا کہ   وطن عزیز کی خوشخالی کے لیے کمیونٹی کے فرد کو اپنے حصے کا کردار اد اکرنا ہوگا بلاشبہ وطن کی محبت ایمان کا حصہ اور اسکی فلاح وبہبود ہم سب کی زمہ داری ہے ،تقریب میں معروف سنگر نعیم سندھی اور شہباز  اور شاکر نے ملی نغموں سے عوام کے دلوں کو مولیا، اس موقع پر یوم پاکستان کی مناسبت سے کیک بھی کاٹا گیا جبکہ کمیونٹی کے لیے نمایاں خدمات سرانجام دینے والی شخصیات کو اعزازی شیلڈزسے بھی نوازا گیا ، پروگرام میں ریاض بیٹس کے ڈائریکٹر چودھری خاور اور مشتاق،  شیریار نے شرکت کی اور میڈیا کا رول ادا کی ۔

   تقریب میں  سارہ خان ، ڈاکٹر قدرت ،مدیحہ ،تنویر، ارمان خان ، محمد وقاص ، محمد وقار ، سید وقاص ، غلام فرید ، نوید احمد ، زاہد محبوب ،مریم ، راشدہ کاشف ، حسیب ، نجمہ قادر  ، میاں عمیر  ودیگر شامل تھے .