Live Updates

پنجاب پولیس کے سرچ، سویپ اورکومبنگ آپریشنز تیزی سے جاری ،جرائم پیشہ و مشتبہ افراد سے ناجائز اسلحہ برآمد

ہفتہ 31 مئی 2025 00:20

لاہور (اُردو پوائنٹ اخبارتازہ ترین - اے پی پی۔ 31 مئی2025ء) عید الاضحیٰ کی آمد کے پیش نظر پنجاب پولیس کے سرچ، سویپ، کومبنگ آپریشنز تیزی سے جاری ہیں جس کے تسلسل میں 24 گھنٹوں کے دوران 348 کومبنگ آپریشنز، 13 ہزار 502 مشتبہ افراد کی چیکنگ اور 45 مشکوک افراد کو حراست میں لیا گیا۔ترجمان پنجاب پولیس کے مطابق 46 سرچ اینڈ سویپ آپریشنز کیے گئے اور 5627 افراد سے پوچھ گچھ کی گئی جبکہ 04 مشتبہ افراد کو گرفتار کیا گیا۔

(جاری ہے)

سنگین جرائم میں ملوث 215 اشتہاری، 61 عدالتی مفرور اور 87 عادی مجرمان بھی گرفتار کیے گئے۔ جرائم پیشہ و مشتبہ افراد کے قبضہ سے بڑی تعداد میں ناجائز اسلحہ اور گولیاں برآمد کی گئیں۔ جرائم پیشہ افراد کے خلاف کاروائی کے دوران 03 مجرم کیفر کردار کو پہنچے، 05 زخمی اور 03 کو گرفتار کیا گیا۔ آئی جی پنجاب نے کہا کہ دہشتگردوں اور ملک دشمن عناصر کا محاسبہ کرنے کیلئے سرچ، سویپ اینڈ کومبنگ آپریشنز جاری رکھے جائیں۔