سائبر حملوں سے تحفظ کیلئے مضبوط پاس ورڈ استعمال ،بیتر سکیورٹی کے لیے ماہانہ اپ ڈیٹ کی ضرورت ہے، سائبر سکیورٹی ماہر سید محمد انور

ہفتہ 31 مئی 2025 14:20

اسلام آباد (اُردو پوائنٹ اخبارتازہ ترین - اے پی پی۔ 31 مئی2025ء) معروف سائبر سکیورٹی ماہر سید محمد انور نے سوشل میڈیا صارفین پر زور دیا ہے کہ اپنے اکاؤنٹس کی حفاظت کے لیے فعال اقدامات کریں، باقاعدگی سے پاس ورڈ کی تبدیلی ، مضبوط اور منفرد پاس ورڈ کا استعمال اور اسے خفیہ رکھنا انتہائی ضروری ہے۔ اپنے ایک انٹرویو میں سید محمد انور نے آن لائن سکیورٹی کے حوالے سے عوامی بیداری کی اہمیت پر زور دیتے ہوئے کہا کہ عوام کو مضبوط، منفرد پاس ورڈ استعمال کرکے، انہیں خفیہ رکھنے اور ممکنہ سائبر سے تحفظ کے لیے باقاعدگی سے اپ ڈیٹ کرتے ہوئے اپنے کائونٹس کی حفاظت کو ترجیح دینی چاہیے۔

انہوں نے خبردار کیا کہ ہیکرز اکثر عام پاس ورڈز کا استحصال کرتے ہیں۔ ایک حالیہ واقعہ کا حوالہ دیتے ہوئے انہوں نے کہا کہ 184 ملین پاس ورڈ لیک ہوئے ہیں، آن لائن اکائونٹس کی حفاظت کے لیے مضبوط اور منفرد پاس ورڈ اپنا نے کی فوری ضرورت ہے۔

(جاری ہے)

انہوں نے کہا کہ معروف اینٹی وائرس پروگراموں کا استعمال آن لائن سکیورٹی کو مزید بڑھا سکتا ہے اور ممکنہ خطرات سے تحفظ فراہم کر سکتا ہے۔

انہوں نے وضاحت کی کہ کریکڈ سافٹ ویئر کا استعمال صارف کے ڈیٹا سے سمجھوتہ کر سکتا ہے اور سسٹمز کو ممکنہ خطرات سے دوچار کر سکتا ہے۔ انہوں نے حفاظت اور تحفظ کو یقینی بنانے کے لیے جائز اور لائسنس یافتہ سافٹ ویئر کے استعمال کی اہمیت کو اجاگر کیا۔ انہوں نے نشاندہی کی کہ بہت سے لوگ ایک سے زیادہ اکاؤنٹس میں ایک ہی پاس ورڈ کا استعمال کرتے ہیں اور اکثر انہیں اپنی ای میلز میں محفوظ کرتے ہیں، جس سے سیکیورٹی کا خطرہ ہوتا ہے۔

اگر کوئی ہیکر ای میل اکاؤنٹ تک رسائی حاصل کرتا ہے تو وہ ممکنہ طور پر تمام متعلقہ اکاؤنٹس تک رسائی حاصل کر سکتا ہے۔انہوں نے مشورہ دیا کہ اپنی ذاتی دستاویزات شناخت یا مالیاتی ریکارڈ، ای میلز یا آن لائن اکاؤنٹس میں محفوظ نہ کریں جو غیر محفوظ ہی، کیونکہ اس سے حساس معلومات تک غیر مجاز افراد کی رسائی کا خطرہ ہو سکتا ہے۔ انہوں نے آن لائن سکیورٹی کے بہترین طریقوں کے بارے میں عوم میں بیداری پیدا کرنے کی اہمیت پر زور دی اور کہا ا کہ باخبر افراد خود کو سائبر خطرات سے بہتر طور پر محفوظ رکھ سکتے ہیں۔