منیٰ میں ڈبل سٹوری رہائشی یونٹ کے قیام کا پہلا مرحلہ مکمل

ٹیکنالوجی کااستعمال کرتے ہوئے موسمی اثرات سے بھی محفوظ رکھنے کا بہترین انتظام کیا گیا ہے،رپورٹ

ہفتہ 31 مئی 2025 14:55

منیٰ میں ڈبل سٹوری رہائشی یونٹ کے قیام کا پہلا مرحلہ مکمل

ریاض(اُردو پوائنٹ اخبارتازہ ترین - این این آئی۔ 31 مئی2025ء)مشاعر مقدسہ کے ترقیاتی امور کی ذمہ دار کمپنی کدانہ نے نجی شعبے کے تعاون سے وادی منی میں ڈبل سٹوری رہائشی یونٹ کے قیام کا پہلا مرحلہ مکمل کر لیا ہے ۔عرب ٹی وی کے مطابق ڈبل سٹوری رہائشی یونٹ سے عازمین حج کو آرام دہ اور بہتر رہائش فراہم ہو گی۔ڈبل سٹوری رہائشی یونٹ 20 ہزار مربع میٹر رقبے پر قائم کیے گئے ہیں جس میں 40 سے زائد رہائشی یونٹ اور 550 واش رومز ہیں۔

(جاری ہے)

منصوبے کو مکمل ہونے میں 100 دن لگے جس کی تعمیر میں جدید ترین ٹیکنالوجی استعمال کرتے ہوئے موسمی اثرات سے بھی محفوظ رکھنے کا بہترین انتظام کیا گیا ہے۔ڈبل سٹوری رہائشی یونٹ میں رواں سال حج کے دوران اندرون و بیرون ممالک سے 8ہزار کے قریب عازمین حج قیام کریں گے۔توقع ہے کہ آئندہ سال حج میں ڈبل سٹوری رہائشی یونٹ کا دوسرا مرحلہ بھی مکمل ہو جائے گا جس کے بعد اس میں 20 ہزار عازمین کے قیام کی گنجائش ہو گی۔