چین میرے دورِصدارت میں تائیوان پرحملہ نہیں کریگا، ٹرمپ

چینی صدر نے مجھے تائیوان پر حملہ نہ کرنے کی یقین دھانی کرادی ہے،امریکی صدر

ہفتہ 16 اگست 2025 17:49

چین میرے دورِصدارت میں تائیوان پرحملہ نہیں کریگا، ٹرمپ

واشنگٹن(اُردو پوائنٹ اخبارتازہ ترین - این این آئی۔ 16 اگست2025ء)امریکی صدر ڈونلڈ ٹرمپ نے کہا ہے کہ چینی صدر شی جن پنگ نے اِنہیں یقین دہانی کروائی ہے کہ وہ اِن کی صدارت کے دوران تائیوان پر حملہ نہیں کریں گے۔امریکی ٹی وی کو دیے گئے انٹرویو میں ڈونلڈ ٹرمپ نے بتایا کہ شی جنگ پن نے کہا ہے کہ جب تک میں صدر ہوں، وہ تائیوان پر کبھی حملہ نہیں کریں گے۔

(جاری ہے)

انہوں نے مزید بتایا کہ چینی صدر نے یہ بھی کہا کہ وہ (چین)اور ان کا ملک بہت صابر ہیں۔دوسری جانب واشنگٹن میں چینی سفارتخانے نے تائیوان کو چین امریکا تعلقات کا سب سے اہم اور حساس مسئلہ قرار دیتے ہوئے کہا کہ امریکی حکومت کو ون چائنا پالیسی اور تین مشترکہ اعلامیوں پر عمل کرنا چاہیے، تائیوان سے متعلق معاملات کو محتاط انداز میں دیکھنا چاہیے اور آبنائے تائیوان میں امن و استحکام کو یقینی بنانا چاہیے۔