Live Updates

سعودی عرب، سیاحتی مقام پر آسمانی بجلی گرنے سے ماں بیٹی جاں بحق

ہفتہ 16 اگست 2025 22:58

ریاض (اُردو پوائنٹ اخبارتازہ ترین - آن لائن۔ 16 اگست2025ء)سعودی عرب کے سیاحتی شہر ابھا میں آسمانی بجلی گرنے سے ماں بیٹی جاں بحق جبکہ ایک شدید زخمی ہوگئی۔سعودی میڈیا کے مطابق زخمی خاتون کی حالت انتہائی تشویشناک ہے۔

(جاری ہے)

فیملی ذرائع کے مطابق متاثرہ خاندان سیر و تفریح کی غرض سے ابھا کے ایک تفریحی مقام پر موجود تھا کہ اسی دوران اچانک آسمانی بجلی گری جس کی زد میں آکر خاتون اور اس کی 22 سالہ بیٹی موقع پر ہی دم توڑ گئیں جبکہ ساتھ موجود دوسری بیٹی زخمی ہوئی ہے۔واضح رہے کہ محکمہ موسمیات کی جانب سے رواں ہفتے سعودی عرب میں شدید بارشوں کا الرٹ جاری کیا گیا تھا، جس میں درمیانے سے شدید درجے کی بارش اور ژالہ باری کا امکان ظاہر کیا گیا تھا۔