رحیم یارخان،انصاف آفٹر نون سکولز سسٹم میں کروڑوں کی مالی بے ضابطگیوں کا انکشاف

آڈٹ ڈیپارٹمنٹ نے محکمے کی جانب سے رقم خرچ نہ کرنے کے دعوے کو مسترد کر دیا

اتوار 1 جون 2025 12:20

رحیم یارخان (اُردو پوائنٹ اخبارتازہ ترین - این این آئی۔ 01 جون2025ء)ڈسٹرکٹ ایجوکیشن اتھارٹی رحیم یار خان میں انصاف آفٹر نون سکولز سسٹم کے تحت مالی بے ضابطگیوں کا انکشاف ہوا ہے۔ آڈٹ رپورٹ 2021-22 کے مطابق 15.767 ملین روپے کی بے ضابطگی سامنے آئی ہے۔

(جاری ہے)

رپورٹ میں کہا گیا ہے کہ سی ای او ڈسٹرکٹ ایجوکیشن اتھارٹی نے بغیر تصدیق 15.676 ملین روپے اعزازیہ اور ذرائع آمدورفت کی مد میں خرچ کر دیے۔ رقم کی ادائیگی کے لیے مروجہ طریقہ کار کو بھی نظر انداز کیا گیا، جس پر آڈٹ ڈیپارٹمنٹ نے اس ادائیگی کو مشکوک قرار دے دیا۔آڈٹ ڈیپارٹمنٹ نے محکمے کی جانب سے رقم خرچ نہ کرنے کے دعوے کو بھی مسترد کر دیا ہے اور 15.676 ملین روپے کے اخراجات کی تحقیقات کی ہدایات جاری کر دی گئی ہیں۔