Live Updates

چین ، ڈریگن بوٹ فیسٹیول کی تقریب میں پاکستانی ذائقوں کی دھوم

پاکستانی چکن کڑاہی اور خستہ سنہری سموسوں کو شرکا کی جانب سے بے حد پسند کیا گیا

منگل 3 جون 2025 19:36

چین ، ڈریگن بوٹ فیسٹیول کی تقریب میں پاکستانی ذائقوں کی دھوم

نانجنگ(اُردو پوائنٹ اخبارتازہ ترین - این این آئی۔ 03 جون2025ء)پاکستانی طلباکی جانب سے چین کے شہر نانجنگ میںمنعقدہ ڈریگن بوٹ فیسٹیول کی تقریب میں پیش کیے گئے پاکستانی کھانوں نے دھوم مچا دی ، پاکستانی چکن کڑاہی اور خستہ سنہری سموسوں کو شرکا کی جانب سے بے حد پسند کیا گیا۔ گوادر پرو کے مطابق چین کے شہر نانجنگ میں مقامی کمیونٹی کی جانب سے منعقدہ ڈریگن بوٹ فیسٹیول کی تقریب میں پاکستانی کھانا بنا کر اپنے بھرپورثقافتی ورثے کی نمائندگی کی۔

اس تقریب نے پاکستان، بنگلہ دیش، نیپال، سنگاپور، کیمرون اور نائجیریا سے تعلق رکھنے والے بین الاقوامی طلبا کو چینی طلبا اور مقامی رہائشیوں کے ساتھ اکٹھا کیا، تاکہ خوراک، ہنر اور تہواروں کے ذریعے دوستی کو فروغ دیا جا سکے۔

(جاری ہے)

گوادر پرو کے مطابق تقریب میں سات ہنر مند پاکستانی طلبا نے حصہ لیا جن میں سے تین نے پاکستانی روایتی پکوان تیار کرنے کی ذمہ داری سنبھالی۔

نانجنگ یونیورسٹی آف ٹیکنالوجی کے طالبعلم حیدر عالم نے خوشبودار چکن مصالحہ کراہی تیار کی، جبکہ نانجنگ یونیورسٹی آف انفارمیشن سائنس اینڈ ٹیکنالوجی کے طالبعلم خان کاشف اور زید نے خستہ اور سنہری سموسے پیش کیے دونوں پکوانوں کو شرکا کی جانب سے بے حد پسند کیا گیا۔ گوادر پرو کے مطابق کاشف نے کہادونوں چیزیں ذائقے سے بھرپور اور خصوصی معنی رکھتی ہیں سموسے میں مصالحہ دار آلو ہوتے ہیں، زونگزی میں میٹھا چاول، لیکن دونوں میں ثقافتی فخر پوشیدہ ہوتا ہے۔

لوگوں کو ہمارے کھانوں سے لطف اندوز ہوتے اور پاکستانی ثقافت کے بارے میں سوال کرتے دیکھنا واقعی ایک شاندار تجربہ تھا۔ ہم چاہتے تھے کہ ہماری ڈشز کے ذریعے ہر کوئی پاکستان کی گرمجوشی اور مہمان نوازی کا ذائقہ محسوس کرے۔