ّپیکا ترمیمی ایکٹ 2025 کو کالعدم قرار دینے کی درخواست پر سماعت غیر معینہ مدت کیلئے ملتوی

منگل 3 جون 2025 20:25

لله*لاہور (اُردو پوائنٹ اخبارتازہ ترین - آن لائن۔ 03 جون2025ء) لاہور ہائیکورٹ کے جسٹس فاروق حیدر نے پیکا ترمیمی ایکٹ 2025 کو کالعدم قرار دینے کی درخواست پر سماعت غیر معینہ مدت کیلئے ملتوی کردی۔ عدالت نے وفاقی حکومت و دیگران کو جواب داخل کرانے مہلت دیدی۔

(جاری ہے)

درخواست میں موقف اپنایا گیا کہ گذشتہ ہفتے قومی اسمبلی نے پیکا ترمیم سے متعلق بل منظور کئے، پیکا بل منظوری کے لیے اسمبلی نے اپنے رولز معطل کر کہ اسے فاسٹ ٹریک کیا، پیکا ترمیمی ایکٹ کے تحت فیک انفارمیشن پر تین برس قید اور جرمانے کی سزا ہوگی، ماضی میں پیکا کو خاموش ہتھیار کے طور استعمال کیا جاتا ہے، پیکا ترمیمی ایکٹ میں نئی سزائوں کے اضافے سے ملک رہ جانے تھوڑی سی آزادی بھی ختم ہو جائیگی، پیکا بل متعلقہ اسٹیک ہولڈرز اور صحافتی تنظیموں کی مشاورت کے بغیر لایا گیا، پیکا ترمیمی بل کی منظوری سے آئین میں دی گئی آزادی اظہار شدید متاثر ہوگی ،پیکا ترمیمی ایکٹ غیر آئینی اور آئین میں دی گئی آزادی اظہار کے تحفظ سے متصادم ہے، استدعا ہے کہ عدالت پیکا ترمیمی ایکٹ کو غیر آئینی قرار ۱دے کر کالعدم قرار دے، عدالت پیکا ترمیمی ایکٹ کے تحت ہونے والی کارروائیوں کو درخواست کے حتمی فیصلے سے مشروط کرے۔