بنگلہ دیش کی برآمدات میں 11 ماہ کے دوران 10 فیصد اضافہ،مجموعی آمدنی 45 ارب ڈالر ہوگئی

بدھ 4 جون 2025 10:00

ڈھاکہ (اُردو پوائنٹ اخبارتازہ ترین - اے پی پی۔ 04 جون2025ء) بنگلہ دیش کی مجموعی آمدنی رواں مالی سال کے پہلے 11 ماہ کے دوران برآمدات میں 10 فیصد اضافے سے 45 بلین امریکی ڈالر ہو گئی۔ شنہوا نے بنگلہ دیش کے ایکسپورٹ پروموشن بیورو کے حوالے سے بتایا کہ مالی سال 25 ۔

(جاری ہے)

2024 میں جولائی تا مئی بنگلہ دیش نے برآمدات سے مجموعی طور پر 44,946.01 ملین ڈالر کمائے جو ایک سال قبل اسی عرصے کی آمدن 40,859.34 ملین ڈالر سے 10 فیصد زیادہ ہیں ۔

دریں اثنا، مئی کے دوران بنگلہ دیش کی برآمدات سے آمدن 4.74 بلین ڈالر ریکارڈ کی گئی جو ایک سال پہلے کے اسی مہینے کے مقابلے میں 11.45 فیصد زیادہ تھی۔ واضح رہے کہ بنگلہ دیش نے رواں مالی سال کے لئے اپنا برآمدی ہدف 50 بلین ڈالر مقرر کر رکھا ہے جس میں سے 40.48 بلین ڈالر صرف تیار ملبوسات کی برآمد سے حاصل ہو نا ہیں۔