Live Updates

عید پر بادل برسیں گے یا سورج آگ برسائے گا؟

عید الاضحٰی پر موسم کی صورتحال سے متعلق محکمہ موسمیات نے رپورٹ جاری کر دی

محمد علی بدھ 4 جون 2025 21:05

لاہور (اُردو پوائنٹ اخبارتازہ ترین۔ 04 جون2025ء) عید پر بادل برسیں گے یا سورج آگ برسائے گا؟ عید الاضحٰی پر موسم کی صورتحال سے متعلق محکمہ موسمیات نے رپورٹ جاری کر دی۔ تفصیلات کے مطابق محکمہ موسمیات نے ملک کے مختلف شہروں میں 9جون تک گرج چمک کے ساتھ بارش کا امکان ظاہر کیا ہے۔ رپورٹ کے مطابق نم آلود ہوائیں ملک کے شمال مشرقی حصوں میں داخل ہوں گی، مغربی ہوائوں کا سلسلہ بھی بالائی علاقوں میں داخل ہونے کا امکان ہے۔

محکمہ موسمیات کے مطابق 5جون تک کشمیر، گلگت بلتستان، مری، گلیات، چترال میں گرج چمک کے ساتھ بارش کا امکان ہے، دیر، سوات، مالاکنڈ، مانسہرہ، بٹگرام، شانگلہ، کوہستان اور ایبٹ آباد میں بھی بارش کا متوقع ہے۔ اسلام آباد، راولپنڈی، اٹک، چکوال، جہلم، میانوالی میں وقفہ وقفہ سے بارش اور ژالہ باری کا امکان ہے، سرگودھا، حافظ آباد، گوجرانوالہ، گجرات، سیالکوٹ، نارووال، لاہور میں بھی بارش اور ژالہ باری کا امکان ہے۔

(جاری ہے)

محکمہ موسمیات کے مطابق خیبر پختونخواہ کے کئی مقامات پر بھی آندھی، گرج چمک کے ساتھ بارش و ژالہ باری متوقع ہے، جنوبی پنجاب میں آندھی، جھکڑ چلنے کا امکان ہے۔ محکمہ موسمیات کے مطابق عید کے موقع پر 7جون سے 9جون تک عید پر دیر، سوات، چترال، کوہستان اور مانسہرہ میں تیز ہواں اور بارش کی توقع ہے۔