میو ہسپتال کی او پی ڈی میں آتشزدگی

آگ شارٹ سرکٹ کے باعث لگی ، وارڈ میں متعدد مریض اور عملہ موجود تھا جس کی وجہ سے ابتدائی طور پر بھگدڑ مچی اور لوگوں میں خوف و ہراس پیدا ہو گیا، ریسکیو حکام نے موقع پر پہنچ کر آگ پرقابوپا لیا

فیصل علوی جمعرات 5 جون 2025 12:33

لاہور(اردوپوائنٹ اخبار تازہ ترین۔05 جون 2025)صوبائی دارالحکومت لاہور کے میو ہسپتال کی او پی ڈی میں آگ لگ گئی،واقعہ کی اطلاع ملتے ہی ریسکیو اہلکار موقع پر پہنچ گئے جنہوں نے آگ بجھانے کا عمل شروع کر دیا، ابتدائی اطلاعات کے مطابق کسی آگ لگنے سے کسی جانی نقصان کی اطلاع نہیں ملی،بتایا گیا ہے کہ لاہور کے میو ہسپتال کے یورالوجی وارڈ میں آتشزدگی کا واقعہ پیش آیا ۔

واقعہ کے وقت وارڈ میں متعدد مریض اور عملہ موجود تھا جس کی وجہ سے ابتدائی طور پر بھگدڑ مچی اور لوگوں میں خوف و ہراس پیدا ہو گیا۔ ریسکیو ذرائع کے مطابق آتشزدگی کی اطلاع ملتے ہی فوری طور پر فائر بریگیڈ اور ریسکیو ٹیمیں موقع پر پہنچ گئیں اور چند منٹوں کے اندر آگ پر مکمل قابو پا لیا گیا۔ ترجمان ریسکیوکا کہنا ہے کہ آتشزدگی میں کسی قسم کا کوئی نقصان نہیں ہوا۔

(جاری ہے)

ریسکیو حکام کا کہنا ہے کہ آگ شارٹ سرکٹ کے باعث لگی ریسکیو حکام نے موقع پر پہنچ کر فوری طور پرمریضوں کو وارڈ سے باہر نکالا ۔ہسپتال انتظامیہ کا کہنا ہے کہ آتشزدگی کی وجوہات کا تعین کرنے کیلئے تفتیش شروع کر دی گئی ہے اور آئندہ ایسے واقعات کی روک تھام کیلئے حفاظتی انتظامات مزید سخت کئے جائیں گے۔دوسری جانب مانگا رائیونڈ روڈ نزد سوشل سکیورٹی ہسپتال کے علاقے سے بھی آئل فیکٹری میں(بوائلر لیکج) میں آتشزدگی کی اطلاع موصول ہوئی ہے،واقعہ کی اطلاع ملتے ہی ریسکیو ایمرجنسی 1122کی گاڑیاں جائے حادثہ پر پہنچ گئیں اور انہیں نے آگ بجھانے کا عمل شروع کر دیا۔

تاہم آگ کے باعث کسی جانی نقصان کی اطلاع نہیں ملی۔یاد رہے کہ اس سے قبل بھی قاضی میڈیکل کمپلیکس نوشہرہ میں آگ لگ گئی تھی۔ آگ لگنے کے باعث ہسپتال کو مریضوں سے خالی کرا لیا گیا تھا اور ہسپتال کی بجلی بند کر دی گئی تھی۔ آگ کی شدت زیادہ تھی جبکہ کچھ مریض اور لواحقین لفٹ میں پھنس گئے تھے ۔ ریسکیو ٹیمیں نے کوششیں کے بعد آگ پر قابو پا لیا تھا۔

Facebook Twitter Google + Share on Whatsapp

میو ہسپتال کی او پی ڈی میں آتشزدگی

متعلقہ عنوان :

مزید اہم خبریں