حجرہ شاہ مقیم، خاتون پر تیزاب پھینکنے کی کوشش، محلہ دار گرفتار

ملزم نشئی ، معمولی تلخ کلامی ہوئی تھی،تیزاب پھینکنے پر خاتون نے دروازہ بند کر لیا

جمعرات 5 جون 2025 14:53

حجرہ شاہ مقیم (اُردو پوائنٹ اخبارتازہ ترین - این این آئی۔ 05 جون2025ء)تیزاب گردی کی لرزہ خیز کوشش اس وقت ناکام ہو گئی جب محلہ دار خاتون رضیہ بی بی نے حملے سے لمحہ بھر پہلے اپنا دروازہ بند کر لیا۔

(جاری ہے)

پولیس کے مطابق ملزم محبوب عرف موبا جو کہ مبینہ طورپر نشے میں تھا نے رضیہ بی بی کے گھر کے سامنے آ کر پانی مانگا، خاتون نے جوابا کہا کہ پہلے اپنے بدبودار کپڑے تبدیل کرو، جس پر تو تکار شروع ہو گئی۔ملزم نے طیش میں آ کر ہاتھ میں پکڑی بوتل سے دروازے پر تیزاب پھینک دیا جو بند دروازے سے ٹکرا کر نیچے گر گیا۔ خاتون بال بال بچ گئیں۔ پولیس نے ملزم محبوب کو گرفتار کر لیا۔ ڈی پی او راشد ہدایت نے کہا ہے کہ خواتین ریڈ لائن ہیں، عبور کرنے والوں سے سختی سے نمٹا جائے گا۔