Live Updates

افغانستان کی سپریم کورٹ کا عید الاضحی ٰ سے قبل1,559 قیدیوں کو رہا کرنے، 950 کی سزا ئوں میں کمی کا حکم

جمعرات 5 جون 2025 15:45

کابل (اُردو پوائنٹ اخبارتازہ ترین - اے پی پی۔ 05 جون2025ء) افغانستان کی سپریم کورٹ نے عید الاضحی ٰ پر رحم اور خیر سگالی کے جذبے کے تحت 1,559قیدیوں کو رہا ، 950 قیدیوں کی سزا ئوں میں کمی کرنے کا حکم دے دیا۔

(جاری ہے)

شنہوا نے سپریم کورٹ کے حوالے سے بتایا کہ یہ حکم چیف جسٹس اور سپریم کورٹ کے سربراہ شیخ عبدالحکیم حقانی نے عید الاضحٰی کے موقع پر ہمدردی اور معاف کے ملک گیر اقدام کے ایک حصے کے طور پر جاری کیا۔

سپریم کورٹ کے مطابق قیدیوں کو کابل، ننگرہار، لغمان، پنج شیر، پروان، پکتیا، خوست اور نمروز کے صوبوں کی جیلوں سے رہا کیا گیا۔جیل انتظامیہ کے ایک اہلکار کے مطابق اس وقت ملک بھر کی جیلوں میں خواتین اور بچوں سمیت 12 ہزار سے 14 ہزار افغان شہری قید ہیں۔ افغانستان میں عید الاضحیٰ ہفتہ سے منگل تک منائی جائے گی۔