اسسٹنٹ کمشنر سبی منصور علی شاہ کی زیر صدارت پرائس کنٹرول کمیٹی کا اجلاس

جمعرات 5 جون 2025 23:30

کوئٹہ (اُردو پوائنٹ اخبارتازہ ترین - اے پی پی۔ 05 جون2025ء) اسسٹنٹ کمشنر سبی منصور علی شاہ کی زیر صدارت پرائس کنٹرول کمیٹی کا اجلاس منعقد ہوا جس میں کمیٹی کے ممبران ، سرکاری آفیسران ، تاجروں کے نمائندوں اور دکانداروں نے شرکت کی۔

(جاری ہے)

اجلاس میں تمام اشیاء خوردونوش کے نرخ کا جائزہ لیا گیا اور اشیاء کے نرخ مقرر کئے گئے جن میں پرچون آئٹم ، چاول، دال ، گھی بڑ ا گوشت ، چھوٹا گوشت ، دودھ ، دہی ، برف وغیرہ کے نرخ جاری کئے گئے جبکہ سبزی فروٹ مرغی وغیرہ کے نرخ روزانہ کی بنیاد پر مقرر کئے جاتے ہیں۔

اسسٹنٹ کمشنر سبی نے تمام دکانداروں ، تاجروں کو ہدایت کی کہ وہ سرکاری نرخنامہ اپنی دکان میں نمایاں جگہ پر لگائیں اور نرخ پر سختی سے عمل در آمد کریں خلاف ورزی کی صورت میں پرائس کنٹرول ایکٹ کے تحت قانونی کاروائی عمل میں لائی جائے گی۔

Facebook Twitter Google + Share on Whatsapp

اسسٹنٹ کمشنر سبی منصور علی شاہ کی زیر صدارت پرائس کنٹرول کمیٹی کا اجلاس

مزید قومی خبریں