سالمونیلا وائرس کی وبا ءامریکہ کی سات ریاستوں میں پھیل گئی

پیر 9 جون 2025 11:30

واشنگٹن (اُردو پوائنٹ اخبارتازہ ترین - اے پی پی۔ 09 جون2025ء) سالمونیلا وائرس کی وبا امریکہ کی سات ریاستوں تک پھیل گئی ۔ایسوسی ایٹڈ پریس کے مطابق امریکی وفاقی صحت کے حکام نے سات مغربی اور وسط مغربی امریکی ریاستوں میں سالمونیلا کے پھیلنے کی اطلاع دی ہے جہاں درجنوں افراد سالمونیلا سے متاثر ہیں ۔اس وباء کا تعلق آرگینک بھورے انڈوں کے کھانے سے بتایا جا رہا ہے جو رواں سال فروری اور مئی کے درمیان اگست میں ایک ایگ کمپنی کے ذریعے تقسیم کیے گئے تھے، جن میں ممکنہ آلودگی کی وجہ سے متاثرہ مصنوعات کو ری کال کر لیاہے۔

(جاری ہے)

امریکہ کے بیماریوں کے کنٹرول اور روک تھام کے مراکز (سی ڈی سی) کے مطابق، ایریزونا، کیلیفورنیا، الینوائے، انڈیانا، نیبراسکا، نیو میکسیکو، نیواڈا، واشنگٹن اور وومنگ کی ریاستوں میں سالمونیلا انفیکشن کے 79 کیسز کی تصدیق ہوئی ہے،21 افراد کو ہسپتال میں داخل کیا گیا ہے۔سالمونیلا انفیکشن کی علامات میں اسہال، بخار، شدید قے، پانی کی کمی اور پیٹ میں درد شامل ہیں۔ جب کہ زیادہ تر لوگ ایک ہفتے کے اندر ٹھیک ہو جاتے ہیں، انفیکشن چھوٹے بچوں، بوڑھوں، اور کمزور مدافعتی نظام والے لوگوں کے لیے صحت کے لیے سنگین خطرات کا باعث بن سکتا ہے، جنہیں بعض اوقات ہسپتال کی دیکھ بھال کی ضرورت ہوتی ہے۔