،ْایک ہی گھر میں بجلی کے 2میٹر لگانے پرپابندی کامعاملہ، پاور ڈویڑن نے زیرگردش خبروں کی تردید کردی

ةکسی بھی رہائشی جگہ پر دوسرا بجلی کا میٹر آج بھی مروجہ قوانین کے تحت حاصل کیا جا سکتا ہے،عوام جھوٹی خبروں پر توجہ نہ دیں، بجلی کے دو میٹر لگانے پر پابندی کی جھوٹی خبر عوام میں بے چینی پھیلانے کی مذموم کوشش ہے، پاور ڈویڑن

پیر 9 جون 2025 16:20

اسلام آباد(اُردو پوائنٹ اخبارتازہ ترین - آن لائن۔ 09 جون2025ء)پاور ڈویڑن نے بجلی کے 2 میٹر لگانے پر پابندی سے متعلق زیر گردش خبروں کی تردید کردی، ایک ہی گھر میں بجلی کے ایک سے زائد میٹر لگانے پر پابندی سے متعلق وزارت پاورڈویڑن کا اہم بیان سامنے آ گیا، ترجمان پاور ڈویڑن کا کہنا ہے کہ بجلی کے دو میٹر لگانے پر پابندی کی خبر سراسر جھوٹی اور گمراہ کن ہے، بجلی کے دو میٹر لگانے پر پابندی کی جھوٹی خبر عوام میں بے چینی پھیلانے کی مذموم کوشش ہے۔

ایسی جھوٹی خبریں پھیلانا اور شیئر کرنا پیکا ایکٹ کے تحت قابل سزا جرم ہے۔پاور ڈویڑن کی جانب سے جاری کرد ہ بیان میں کہاگیا ہے کہ نیپرا مینول 2021 کے مطابق مخصوص شرائط پر دوسرا میٹر جائز ہے، علیحدہ پورشن، سرکٹ، داخلی راستے اور کچن پر دوسرا میٹر لگ سکتا ہے، عوام جھوٹی خبروں پر توجہ نہ دیں۔

(جاری ہے)

ایسی رہائشی جگہ جو علیحدہ پورشن، سرکٹ، داخلی راستہ، علیحدہ کچن پر مشتمل ہو وہاں علیحدہ میٹر کی تنصیب کی اجازت ہے۔

ترجمان پاور ڈویڑن کے مطابق واضح رہے کہ کسی بھی رہائشی جگہ پر دوسرا بجلی کا میٹر آج بھی مروجہ قوانین کے تحت حاصل کیا جا سکتا ہے۔ترجمان پاور ڈویڑن کا کہنا ہے کہ بجلی کے ناجائز استعمال، سبسڈی کے غلط فائدیکو روکنے کیلئے قانون پہلے بھی موجود تھا اور اب بھی مکمل طور پر نافذ العمل ہے، بجلی کے میٹرز کے درست اور شفاف استعمال میں بجلی کی تقسیم کار کمپنیوں سے تعاون کریں۔