ًچین ، برطانیہ کو اقتصادی ڈائیلاگ کے نتائج کو مزید گہرا کرنیکی کوشش کرنی چاہیئے، چینی نائب وزیر اعظم

پیر 9 جون 2025 17:00

بیجنگ (اُردو پوائنٹ اخبارتازہ ترین - آن لائن۔ 09 جون2025ء) چین کے نائب وزیر اعظم حہ لی فنگ نے اپنے دورہ برطانیہ کے دوران لندن میں برطانوی وزیر خزانہ ریچل ریوز سے ملاقات میں چین برطانیہ اقتصادی اور مالیاتی تعاون نیز باہمی دلچسپی کے امور پر تفصیلی تبادلہ خیال کیا۔

(جاری ہے)

ةچینی میڈیا کے مطابق حہ لی فنگ نے کہا کہ چین اور برطانیہ کو چینی صدر شی جن پنگ اور برطانوی وزیر اعظم اسٹارمر کے درمیان طے پانے والے اہم اتفاق رائے پر عمل درآمد کرتے ہوئے چین برطانیہ اقتصادی اور مالیاتی ڈائیلاگ کے نتائج پر عملدرآمد کو فروغ دینے اور معیشت اور مالیات کے مختلف شعبوں میں تبادلوں اور تعاون کو مزید گہرا کرنیکی کوشش کرنی چاہیئے تاکہ باہمی فائدے اورمشترکہ کامیابیوں کو فروغ دیا جائے اور چین برطانیہ اقتصادی تعلقات کی پائیدار، صحت مند اور مستحکم ترقی کو برقرار رکھا جائے۔

ریچل ریوز نے کہا کہ برطانیہ چین کے ساتھ تعاون کو بہت اہمیت دیتا ہے اور چین کے ساتھ روابط کو مضبوط بنانے، برطانیہ چین اقتصادی اور مالیاتی ڈائیلاگ کے نتائج پر عمل درآمد کرنے اور برطانیہ چین اقتصادی تعاون میں نئی توانائی پیدا کرنے کا خواہاں ہے۔