کرسٹیانو رونالڈو کی میچ میں دعا مانگنے کی ویڈیو وائرل ، مختلف تبصرے جاری

پرتگال نے سپین کو ہرا کر یوئیفا نیشنز کپ کا ٹائٹل سنسنی خیز مقابلے کے بعد دوسری بار جیتا

ذیشان مہتاب منگل 10 جون 2025 12:17

کرسٹیانو رونالڈو کی میچ میں دعا مانگنے کی ویڈیو وائرل ، مختلف تبصرے ..

میونخ (اردو پوائنٹ اخبار تازہ ترین۔ 10 جون 2025ء ) مایہ ناز فٹبالر کرسٹیانو رونالڈو کی نیشنز لیگ فائنل کے دوران اپنی ٹیم کی جیت کے لیے دعا مانگنے کی ویڈیو وائرل ہو گئی جس پر سوشل میڈیا پر مختلف تبصروں کا سلسلہ جاری ہے۔

اتوار کے روز اسپین کے خلاف یوئیفا نیشنز لیگ کے فائنل پینلٹی شوٹ آؤٹ کے دوران 40 سالہ کرسٹیانو رونالڈو کی مسلم طرز کی دعا نے ان کے مسلمان مداحوں کی توجہ اپنی جانب مبذول کروا لی۔

(جاری ہے)

پرتگال نے اسپین کو ہرا کر یوئیفا نیشنز کپ کا ٹائٹل سنسنی خیز مقابلے کے بعد دوسری بار جیت لیا۔

پرتگال کی ٹیم نے پینالٹی ککس پر دفاعی چیمپئن اسپین کو پانچ کے مقابلے میں تین گول سے یوئیفا نیشنز کپ کا فائنل ہرا دیا، پرتگال اور اسپین نے مقررہ وقت میں دو دو گول کیے تھے۔

اضافی وقت میں دونوں ٹیمیں کوئی گول نہ کرسکیں، جس کے بعد میچ کا فیصلہ پینالٹی ککس پر کرایا گیا۔