نہروں میں نہانا خطرناک اور جان لیوا ثابت ہوسکتا ہے ،ڈی ایس پی سمبڑیال

منگل 10 جون 2025 18:26

سمبڑیال (اُردو پوائنٹ اخبارتازہ ترین - اے پی پی۔ 10 جون2025ء) ڈی ایس پی سمبڑیال سجاد احمد باجوہ نے کہا ہے کہ نہروں میں نہانا خطرناک اور جان لیوا ثابت ہوسکتا ہے ، شہری اس غیر قانونی اور جان لیوا فعل سے باز رہیں۔

(جاری ہے)

انہوں نے اپنے پیغام میں کہا کہ حکومت پنجاب نے نہروں اور دریائوں میں نہانے پر دفعہ 144 کے تحت پابندی عائد کررکھی ہے ، گزشتہ کئی دنوں سے گرمی کی شدت میں اضافہ کی وجہ سے لوگوں نے نہروں اور دریائوں کا رخ کر لیا ہے ، نہروں پر نہانے سے کئی نوجوان ڈوب کر جاں بحق ہوچکے ہیں جس کے پیش نظر نہروں اور دریائوں میں نہانے پر پابندی عائد کی گئی ہے ۔

انہوں نے کہا کہ پولیس شہریوں کی جانوں کی حفاظت کے لئے ڈیوٹی پر موجود ہے ،خلاف ورزی کرنے کی صورت میں سخت قانونی کارروائی عمل میں لائی جائے گی۔